Tayyorlash va ularning malakasini oshirish hududiy

Qobiliyat – shaxsning osonlik bilan biron faoliyatni egallay olishini ta’minlaydigan 
individual psixologik xususiyat 
Maqsad – qo‘yilgan muammo (maqsad) echimiga intilishi yo‘nalishi va bu boradagi 
harakatlar natijasi. Malaka –muayyan harakat yoki faoliyatni bajarishning 
avtomatlashtirilgan shakli. Masofaviy o‘qitish – bu masofadan turib o‘qitish, qaysiki 
o‘quv mashg‘ulotlarining barchasi yoki ko‘p qismi telekommunikatsion va 
zamonaviy axborotlashtirish texnologiyalar asosida olib boriladi. 
Maxsus kompetentlik – kasbiy-pedagogik faoliyatni tashkil etishga tayyorlanish, 
kasbiy-pedagogik vazifalarni oqilona hal qilish, faoliyati natijalarini real baholash, 
bilim, ko‘nikma va malakani izchil rivojlantirib borish. 
Mahorat (arab. “mohirlik”, “ustalik”, “epchillik”) – 1) biror ish, kasb uchun zarur 
yoki shu sohada orttirilgan ustalik, san’at, mohirlik; 2) bir ish yoki faoliyatni yuksak 
darajada, hech bir qiyinchiliksiz, o‘ta mohirlik bilan bajarish; 3) muayyan ish, xatti-
harakat yoki kasbiy faoliyatning ustalik, mohirlik bilan, san’atkorona tashkil 
etilishiga imkon beradigan bilim, ko‘nikma va malakalar majmui Ma’lumot –ta’lim-
tarbiya natijasida o‘zlashtirilgan va tizimlashtirilgan bilim, hosil qilingan ko‘nikma 
va malakalar hamda tarkib topgan dunyoqarash majmui. 
Metod - (yunoncha so‘zdan olingan bo‘lib, “yo‘l” degan ma’noni anglatadi) 
maqsadga erishish yo‘lini bildiradi. 
Metodik kompetentlik – pedagogik jarayonni metodik jihatdan oqilona tashkil 
etish, ta’lim yoki tarbiyaviy faoliyat shakllarini to‘g‘ri belgilash, metod va vositalarni 
maqsadga muvofiq tanlay olish, metodlarni samarali qo‘llay olish, vositalarni 
muvaffaqiyatli qo‘llash; 
Mimika (yunon. “mimikos” – “taqlidiy”) – yuz muskullari harakatlari orqali 
shaxsning o‘z fikri, his-tuyg‘ulari, kayfiyati hamda mavjud voqelikka munosabatini 
ifodalashi 

---

143 
Modul – bu fanning bir yoki bir necha tushunchalarni o‘zlashtirishga yo‘naltirilgan, 
ishlab chiqilgan prinsiplar asosida shakllangan mantiqan tugallangan o‘quv 
materialidir. Modulli o‘qitish – xalqaro tushuncha – modul bilan bog‘liq bo‘lib 
(«modul», lotincha modulus), uning bitta ma’nosi faoliyat ko‘rsata oladigan o‘zaro 
chambarchas bog‘liq elementlardan iborat bo‘lgan tugunni bildiradi. 
Muloqot – 1) kishilarning o‘zaro aloqasi, bir-birlariga ta’sir ko‘rsatishlari kishilar 
o‘rtasidagi aloqani tiklash va rivojlantirish jarayoni; 2) kishilarning bir-birlariga 
ta’sir ko‘rsatishi asosida ular o‘rtasida ro‘y beradigan axborot almashinuvi 
Nazariy bilim – empirik holatlarni tushuntirish, ya’ni narsa va hodisalar mohiyatini 
bilish imkonini beradigan qonuniyatlarni ochishni nazarda tutadi.