Bozor taklifi - individual takliflar yigʻindisi. Bozordagi taklif individual takliflarning yigʻindisi hisoblanadi. Bozor taklifi individual takliflardan kelib chiqib aniqlanadi. Narx 2$ boʻlganda Ben 3ta muzqaymoq ishlab chiqarsa, Jerry 4ta ishlab chiqaradi. Ushbu narxda bozor taklifi 7 tani tashkil qiladi.
7-rasmda taklif oʻzgarishi ifodalangan. Shakar narxining tushishi muzqaymoq ishlab chiqarish hajmini oshishiga sabab boʻlgan. Shuningdek, taklifning kamayishi taklif egri chizigʻini chapga siljitgan va bu taklifning kamayishi deyiladi.
Taklif egri chizigʻini oʻzgartiradigan bir qancha omillar mavjud boʻlib, quyida ular bilan tanishamiz:
Xarajatlar.Muzqaymoq ishlab chiqarishda sotuvchilar turli xil xarajatlar qiladi: qaymoq, shakar, ta’m beruvchi preparatlar, muzqaymoq mashinasi, ishlab chiqarish binosi hamda mahsulotni ishlab chiqaradigan va mashinalarni boshqaradigan ishchi kuchi xarajatlari.
Yuqorida ta’kidlangan xarajatlardan biri yoki bir nechtasi miqdorining oshishi, mahsulot foydaliligini kamaytiradi va taklif qisqarishiga olib keladi. Agar xarajat keskin oshsa, firma yopilishi mumkin va hech qanday muzqaymoq taklifi ham boʻlmaydi. Shu sababli mahsulot taklifi mahsulotga qilinadigan xarajat miqdori bilan teskari bogʻlanishga ega.
