Naflik funksiyasi – iste’mol qilingan ne’matlar miqdorining oʻzgarishi natijasida olinadigan naflikni oʻzgarishini ifodalovchi funksiya.
Noaniqlik – axborotlar etarli, toʻliq boʻlmaganda qabul qilingan qarorlarda noaniqlik vujudga keladi. Noaniqlik sharoitida qabul qilingan qarorlar natijasida tavakkalchilik vujudga keladi.
Nokooperativ oʻyin – bu oʻyinda qatnashchilar mustaqil ravishda qaror qabul qiladi (Iqtisodiyotda misol sifatida oligopolik bozorda harakat qiluvchi firmalar oʻrtasidagi «narxlar jangini» keltirish mumkin).
Nol soʻm yutuqqa ega boʻlgan oʻyin (zero sum game) – oʻyinda bir kishining yutugʻi boshqa oʻyinchilarning yutqazgan summalari yigʻindisiga teng.
Nolga teng boʻlmagan soʻmga ega boʻlgan oʻyin (non zero sum game) – bu oʻyinda bir guruh oʻyinchilari yo yutadi yoki boy beradi.
Nominal ish haqi – yollanma ishchi tomonidan olinganpul miqdori.
Normal tovarlar – daromad oshganda talab oshadigan tovarlar.
Ob’ektiv (matematik) ehtimol – voqea va hodisalar jarayonida takrorlanishlarni hisob-kitob qilishga asoslangan ehtimol.
Oraliq kesma- Ishlab chiqarish real hajmining oʻsishi narxlar darajasining oʻsishiga mos ravishda oʻsib boradi. Chunki, iqtisodiyotning pasayish holatidan toʻliq bandlikka oʻtishi noteks va turli vaziyatlarda roʻy beradi. Masalan, ayrim tarmoqlarda resurslarning yetishmasligiga duch kelinsa, boshqa tarmoqlarda hozircha ortiqcha resurslar mavjud boʻladi. Shuningdek, ular ishlab chiqarishni kengaytirish uchun yangi asosiy vositalar sotib olish va malakasiz mutaxassislardan foydalanishiga toʻgʻri keladi. Bu esa mahsulotlar birligiga ketadigan xarajatlarning oshishiga va natijada baholar darajasining oʻsishiga olib keladi.
Oliy kategoriyali tovar – daromad oshganda talab oshib ketadigan tovarlar.
Pareto optimum (Pareto samaradorlik) – ne’matlarni shunday taqsimlanishiki, bunda biror kishining turmush farovonligini pasaytirmasdan boshqa kishining turmush farovonligini oshirib boʻlmaydi.
