Təsnifat sistemi

Qonaqların yeməklə təminatı gündə 3 dəfə tam pansion, yarımpansion və ya ancaq səhər yeməyi olur. Qonaqların qalma müddətinə görə.Uzun və qısa müddətli olmaqla iki yerə bölünür.Qısa müddətə qalan qonaqlar üçün tranzit, işgüzar, turist, kurort və sair mehmanxanalar aiddir.Qonaqların uzun müddətə qalması üçün Azərbaycanda mehmanxana müəssisəsi, hələ ki, yoxdur.

Mehmanxanaların təsnifat sisteminin işlənib hazırlanmasını hər bir ölkənin rəsmi dövlət orqanları həyata keçirir və onlara nəzarət edir. «Ulduzlar sistemi» adlanan Fransa milli təsnifat sistemi həm də Avropa sistemi adlanır. Bu təsnifata görə, mehmanxanalar 1-dən 5-dək ulduzlara bölünür.Minimum tələblərə cavab verməyən mehmanxanaya ulduz verilmir. Alman təsnifat sisteminə görə mehmanxana müəssisələri 5 dərəcəyə bölünür. Bu Avropa sisteminə uyğun olaraq hər dərəcə bir ulduza uyğundur.Turist dərəcə - 1 ulduz. Standart dərəcə - 2 ulduz.Komfort dərəcə - 3 ulduz.Birinci dərəcə - 4 ulduz. Lüks - 5 ulduz.