Bazar iqtisadiyyatında hər hansı bir zavodun qurulması miqyas (məcmu məhsulun miqyası) və texnika (məhsul istehsalı üçün istehsal amillərinin xususi kombinasiyası) ilə bağlı qərarlardan qarşılıqlı asılıdır. Texnika fimarların yerləşmə qərarında muhum təsirə malikdir. Son məhsulun istehsalı ucun müəyyən miqdar torpaq (resurs), əmək və kapitala hetiyac var, ancaq iqtisadi və texnoloji məhduduyyətlər daxilində firmalar xərclərini minimumlaşdırmaq ucun istehsal amilləri arasında əvəzetməyə gedirlər: Kapital əməyi əvəzləyə bilər.
Miqyas mülahizələrinə bunlar aiddir: İstehsalçılar istehsalın miqyasında dəyişiklik etməklə məhsul vahidinin xərcini azaltmağa çalışırlar; hissələrin standartlaşdırılması yolu ilə əmək bölgüsü kütləvi istehsalın başlıca xüsusiyyətidir; əmək bölgüsü, nisbətən böyük miqyas tələb edir, çünkü işçilərin sayının çoxluğu zəruridir; miqyas effekti və ya miqyas iqtisadiyyatı istehsal həcminin artması ilə xərclərin azalmasını ifadə edir; böyük firmalar adətən kiçik firmalara nisbətən xammala daha az xərc çəkirlər; başqa sözlə miqyasın artması məhsul vahidinə düşən xammal xərclərini daha da azaldır.
