This is your presentation title

Mütəşəkkil sənaye zonaları - işıq, su, kanalizasiya, yol, rabitə, bank, poçt, təcili yardım məntəqəsi, tədris və tədqiqat mərkəzləri, dəstək xidmətləri kimi obyektləri olan və əlverişli yerdə sahibkarlıq fəaliyyəti göstərən sahələrdir.
Mütəşəkkil Sənaye Zonasının yaradılması ilə aşağıdakı ehtiyaclar ödənilir:

• Mütəşəkkil sənaye zonalarının yaradılması ilə şəhərlərin tarixi-mədəni xüsu­siyyətləri qorunur, sənaye zonaları yaşayış zonalarından ayrılır, biznesin qurulması və istehsal təşviq edilir;
• Hər bir fabrikə görə ayrı-ayrı infrastruktur obyektlərinin tikinti xərcləri azalır;
• Müasirləşməyə çalışan kiçik və orta sahibkarlar həvəsləndirilir.

5. Biznesin ölçüsünün müəyyən edilməsi
Yaradılması planlaşdırılan müəssisə ilə bağlı bazar təhlilləri və tələbin qiymətlən­dirilməsi, yaradılma yerinin seçilməsi qədər vacib olan digər bir məsələ də müəssisə­nin ölçüsünün düzgün müəyyən edilməsidir. Yaradılması nəzərdə tutulan müəssisə nə çox kiçik, nə də çox böyük olmalı, müəssisənin resursları isə ən səmərəli istehsala imkan verməlidir. Müəssisənin ölçüsünün real müəyyən edilməsi xərclərin azaldılma­sında böyük rol oynayır. Doğrudan da, əgər müəssisə tələb olunandan çox istehsal edərsə, çoxlu xərc çəkməli olacaq və istehsal etdiyi malı nə müştəriyə, nə də bazara sata bilməyəcəkdir. Eyni şəkildə, asanlıqla sata biləcəyi bir bazarın mövcudluğuna baxmayaraq, kifayət qədər istehsal avadanlığı və proseslərinə malik olmayan müəs­sisə tələbatı ödəyə bilmədiyi üçün yüksək satış gəlirlərindən məhrum ola bilər.
Müəssisələrin ölçüsünü təyin edərkən və ya bir biznesin digər bizneslə müqayisədə nisbi ölçüsünü ifadə etməyə çalışarkən bəzi meyarlardan istifadə olunur. Bu meyarlar­dan bəziləri maddi (ədədi, kəmiyyət), digərləri isə qeyri-maddidir (keyfiyyət). Bu meyarları aşağıdakı kimi təsnif etmək mümkündür:
Konkret (ədədi, kəmiyyət) meyarlar:

• İllik satış,
• Kapitalın məbləği,
• İşçilərin sayı,
• İşçilərə ödənilən əmək haqqı,
• Xalis aktivlər,
• İllik mənfəət,