Kompyuter tomoqrafiyası metodu beyində qansızmanı, arterial-venoz pozulmaları, baş beyin toxumalarının yumşalması və şişlərini, abses və yeni törəmələri müəyyən etməyə imkan verir.
Maqnit-rezonans tomoqrafiyası kt-dan fərqli olaraq, beyinin bütün strukturlarını, demielinizasiya ocaqlarının dəqiq vizual görüntüsünü təyin edir (şəkil). Nevrologiyada mərkəzi sinir sistemi xəstəliklərinin funksional diaqnostikası üçün aparatın aksial, frontal və sagital proyeksiyalada beyinə zərər vermədən alınan görüntülərdən istifadə olunur. Mrt nüvə maqnit rezonansı beyində digər metodlar vasitəsilə görünməyən prosesləri ilkin mərhələdə müəyyən edir. Mrt metodu ixtisasçı-texnoloq tərəfindən həyata keçirilir, görüntüləri radioloq, nevropatoloq və neyrocərrah müayinə edir. Beyin travmaları, dağınıq skleroz, ensefalomielit, hərəkətin koordinasiyasının dəyişmə səbəbləri, kəllədaxili təzyiq və yırtıqlar mrt metodu ilə müəyyən olunur.
Mrt metodu ağrısız aparılır, 45-50 dəqiqə müddətinə qiymətli məlumat verir. Mrt epilepsiyanın erkən diaqnostikasında və müalicəsində əvəzedilməz metod hesab olunur.
Angioqrafiya baş beyinin damarlarında əmələ gəlmiş dəyişiklikləri müəyən etmək məqsədilə istifadə olunur.
Usm baş beyinin və boyun nahiyəsinin iri damarlarının görüntüsünü almağa imkan verir.
Dostları ilə paylaş: |
