Müasir tibbi teplovizorlar temperaturla bərabər orqanizmin rütubət göstəricilərini də qeydə almaq xüsusiyyətinə malikdir. Bu tipli teplovizorlar infraqırmızı dalğaları görmə diapazonuna uyğun işıq şüalarına çevirir. İnfraqırmızı kamera vasitəsilə alınan termik dalğalar kameradan keçir və obyektivə verirlir. Kameranın obyektivi mürəkkəb texnoloji strukturlu müxtəlif tipli linzalarla təchiz olunmuşdur. Linzaların materialı şəffafdır, lakin, infraqırmızı dalğalara qarşı həssasdır. Ötürücünün ana platası infraqırmızı dalğaları enerji formasında qəbul edir. Sonra videosiqnallardan istilik görüntülərini alır və müxtəlif spektrlərə malik rənglərlə monitora göndərir.
Teplovizor toxumalarda gedən termokimyəvi reaksiyaları istilik enerjisi kimi qəbul edib, yüksək və aşağı temperaturda orqanizmin histokimyəvi reaksiyalarını qeydə almağa imkan verir.
