Kliniki mikrobioloji metod (bakteriologiya, virusologiya, mikologiya) – infeksion iltihab proseslərinin aşkara çıxarılması üçün və bu xəstəliklərin dərman preparatlarına qarşı həssaslığının aşkara çıxarılması üçün kliniki mikrobioloji müayinə aparılması vacibdir. Bu müayinə üsuluna tələbat daim artır. Müalicə prosesinin gedişini izləmək üçün bu üsulun tətbiqi mütləqdir. RNT-nin viruslarının və antigenlərinin, bakteriyaların, göbələklərin, ibtidailərin və bir çox avtogenlərin müəyyən olunması üçün immunoloji və molekulyar genetik üsullardan istifadə olunur. Bu üsullar bir neçə saat ərzində xəstəlik törədicilərini dəqiq müəyyən etməyə və onların antibiotiklərə qarşı həssaslığını təyin etməyə imkan verir.
Sitologiya – hüceyrənin strukturundakı dəyişilmələrin müəyyən olunması yolu ilə diaqnostika zamanı istifadə olunur. Orqan və toxumalardan, selikli qişadan, onurğa beyni mayesindən punksiyalar götürməklə (biopsiya) həyata keçirilir. Punksiya sitologiyası əməliyyatda xoş xassəli və bəd xassəli şişlərin diaqnostikasında əsas metod kimi istifadə olunur. Sitologiyada avtomatik sitofotometriya, radioizotop, histokimyəvi üsullardan da istifadə olunur.
