TiykarǵÍ BÓlim

Kurs jumısınıń maqseti hám wazıypaları. Jazıwshı Tólepbergen Qayıpbergenovtıń shıǵarmalarında kórkem sheberlik máselesin troplar qollanıw ózgesheliklerin úyreniw kursd jumısımızdıń tiykarǵı maqseti bolıp esaplanadı. Usı maqsetke erisiwde tómendegi wazıypalardı orınlaw áhmiyetke iye:
- Tólepbergen Qayıpbergenovtıń shıǵarmlarınıń kórkem sheberliginiń úyreniwde troplardıń qollanıw ózgesheliklerin úyreniw;
- Kórkem súwretlew quralları haqqında teoriyalıq pikirlerge qatnas bildiriw;
- Tólepbergen Qayıpbergenovtıń «Qaraqalpaq dástanı» trilogiyasında qollanılǵan kórkem súwretlew quralların anıqlaw hám shayır sheberligin úyreniwdegi áhmiyetin ashıw;
- kórkem súwretlew usıllarınıń kórkem súwretlew qurallarınan ayırmashılıǵın anıqlaw hám kórkem súwretlew usılları haqqında teoriyalıq pikirlerge qatnas bildiriw.
Izertlewdiń teoriyalıq hám ámeliy áhmiyeti. Kurs jumısımızdıń ilimiy teoriyalıq juwmaqlarınan hám ilimiy izertlew barısında alınǵan analiz nátiyjelerinen ádebiyatshı oqıwshılar qollanba dúzgende paydalanıwı, joqarı oqıw orınları studentleri hám akademiyalıq licey oqıtıwshılar qollanba sıpatında paydalanıwına boladı.
Izertlewdiń obyekti hám predmeti. Kurs jumısı ushın shayır T.Qayıpbergenovtıń «Qaraqalpaq dástanı. Maman biy ápsanası» (2018) kitabı izertlewdiń obyekti etip alındı.
Izertlew jumısınıń metodologiyalıq tiykarları hám metodı A.Kvyatkovskiy, İ.Sultan, Z.Qabdolov, T.Boboev, N.Dáwqaraev, B.İsmaylov, S.Axmetov, Q.Muratbaev, Q.Orazımbetov, B.Genjemuratov, A.Dosımbetova hám taǵı da basqa ilimpazlardıń ilimiy miynetlerin, «Ádebiyattanıw atamalarınıń orıssha-qaraqalpaqsha túsindirme sózligin» basshılıqqa aldıq. Birinshi prezident İ.A.Karimovtıń, prezidentimiz Sh.Mirzyoevtıń ruwxıylıq hám aǵartıwshılıqqa baylanıslı miynetleri, sonday-aq, rus hám túrkiy xalıqları alımlarınıń teoriyalıq pikirlerin metodologiyalıq tiykar boldı. İzertlewdiń metodları sıpatında salıstırmalı tariyxıy metod, analiz hám sintez metodları qollanıldı.