Toshkent davlat agrar universiteti agrologistika va biznes fakultet agroiqtisodiyot va turizm kafedrasi
Yüklə 1,41 Mb. Pdf görüntüsü
|
|
Asosiy qism :
4. . Ko’p tarmoqli fermer xo’jaliklarini kamchiliklari. Hozirgi davrda hech bir soha mukammal bo’la olmaydi. Har bir sohani o’ziga yarasha yutuq va kamchilik tomonlari albatta mavjuddir. Shu jumladan, ko’p tarmoqli fermer xo’jaliklari tashkil qilishda ham mamlakatimiz oldida bir qancha muammolar paydo bo’lmoqda. Misol taraqisida respublikada 2018-yil yakunlari bo’yicha holat o’rganilganda ko’p tarmoqli fermer xo’jaliklarini tashkil etish va ularni rivojlantirish bo’yicha amalga oshirilgan ishlarni qoniqarli darajada deb bo’lmaydi. Mintaqalarda 2018 yilda ko’p tarmoqli fermer xo’jaliklarini tashkil etish dasturida belgilangan vazifalarning ijrosi bugungi kun talabiga javob bermaydi. Vazirlar Mahkamasi taqdim etgan ma’lumotga ko’ra, mamlakatimizning birorta hududida ham 2018 yilgi Dastur ijrosi to’liq bajarilmagan.«Mamlakatimiz bo’yicha 2018-yilda jami 18 ming 532 ta fermer xo’jaligida ko’p tarmoqli faoliyat tashkil etilgan bo’lib, reja 86%ga bajarilgan xolos. Masalan, Dastur ijrosi Xorazm viloyatida 95% ga, Qoraqalpog’iston Respublikasida 93% ga, Farg’ona viloyatida 93% ga, Navoiy viloyatida 91% ga, Surxondaryo viloyatida 90 foizga, • Qashqadaryo viloyatida 90% ga , Andijon viloyatida 89% ga, Namangan viloyatida 84% ga, Samarqand viloyatida 84% ga, Toshkent viloyatida 83% ga, Buxoro viloyatida 82% ga, Jizzax viloyatida 79% ga, Sirdaryo viloyatida 77% ga bajarilgan.Shuningdek, hududlarda fermer xo’jaliklariga xizmat qiluvchi tuzilmalar va tijorat banklari tomonidan ko’rsatiladigan xizmatlar sifatini ham yaxshi deb bo’lmaydi. Xususan, joriy yilda tijorat banklari tomonidan ko’p tarmoqli fermer xo’jaliklarini rivojlantirish uchun 595 mlrd. so’mlik tijorat kreditlari ajratilishi rejalashtirilgan bo’lib, amalda uning 325 mlrd. so’mi (55 foiz) ajratilgan.Dasturda belgilangan loyihalarni amalga oshirish bo’yicha fermerlar, ayniqsa yosh fermerlar bilan doimiy muloqot olib borish hamda ularni o’ylantirayotgan masalalar yuzasidan huquqiy, axborot va tashkiliy- uslubiy jihatdan ko’mak berish tizimli tarzda yo’lga qo’yilmagan. Sohani rivojlantirish ham hozirgi kundagi dolzarb masalalardan biri hisoblanadi. Buning uchun hozirgi kunlarda qo’llanilayotgan chora-tadbirlar ham e’tiborga molikdir. Yurtimizda keyingi ikki yilda barcha sohalar qatori qishloq xo‘jaligi bo‘yicha ham muhim dasturlar, “yo‘l xarita”lari ishlab chiqilib, izchil amalga oshirilmoqda. |