Toshkent davlat iqtisodiyot universiteti samarqand filiali "tasdiqlayman"

Internet saytlari:

1. 
   www.press-service.uz - O’zbekiston Respublikasi Prezidentining matbuot xizmati
   
2. 
   www.gov.uz - O’zbekiston Respublikasi hukumat portali.
   
3. 
   www.lex.uz - O’zbekiston Respublikasi Qonun hujjatlari ma’lumotlari milliy bazasi.
   
4. 
   www.stat.uz –O’zbekiston Respublikasi Davlat statistika qo’mitasining rasmiy sayti.
   
5. 
   www.tsue.uz – Toshkent davlat iqtisodiyot universiteti rasmiy sayti.
   
6. 
   www.sbtsue.uz – Toshkent davlat iqtisodiyot universiteti Samarqand filiali rasmiy sayti.
   

VIII. Baholash
Talabalar bilimini nazorat qilish oraliq va yakuniy nazorat turlarini o‘tkazish orqali amalga oshiriladi.
1. Oraliq nazorat semestr davomida ishchi fan dasturining tegishli bo‘limi tugagandan keyin talabaning bilim va amaliy ko‘nikmalarini baholash maqsadida o‘quv mashg‘ulotlari davomida o‘tkaziladi.
2. Oraliq nazorat turi 2 marta o‘tkaziladi.
Oraliq nazorat turini o‘tkazish shakli va muddati fanning xususiyati va fanga ajratilgan soatlardan kelib chiqib tegishli kafedra tomonidan belgilanadi.
3. Oraliq nazorat turining topshiriqlari tegishli kafedra professor-o‘qituvchilari tomonidan ishlab chiqiladi va mazkur kafedra mudiri tomonidan tasdiqlanadi.
4. Talabaning amaliy, seminar, laboratoriya mashg‘ulotlari va mustaqil taʼlim topshiriqlarini bajarishi, shuningdek uning ushbu mashg‘ulotlardagi faolligi fan o‘qituvchisi tomonidan baholab boriladi.
Talabani oraliq nazorat turi bo‘yicha baholashda, uning o‘quv mashg‘ulotlari davomida olgan baholari inobatga olinadi.
5. Reyting nazorati jadvallari, nazorat turi, shakli, soni hamda har bir nazoratga ajratilgan maksimal ball, shuningdek joriy va oraliq nazoratlarning saralash ballari haqidagi maʼlumotlar fan bo‘yicha birinchi mashg‘ulotda talabalarga eʼlon qilinadi.
6. Talabalarning bilim saviyasi va o‘zlashtirish darajasining Davlat taʼlim standartlariga muvofiqligini taʼminlash uchun quyidagi shakllarda oraliq nazorat o‘tkazish nazarda tutiladi:
joriy baholash - talabaning fan mavzulari bo‘yicha bilim va amaliy ko‘nikma darajasini aniqlash va baxolash usuli. Joriy baholash amaliy mashg‘ulotlarida og‘zaki so‘rov, test o‘tkazish, suhbat, nazorat ishi, kollokvium, uy vazifalarini tekshirish va shu kabi boshqa shakllarda o‘tkazilishi mumkin;
chegaraviy baholash - semestr davomida o‘quv dasturining tegishli (fanning bir necha mavzularini o‘z ichiga olgan) bo‘limi tugallangandan keyin talabaning bilim va amaliy ko‘nikma darajasini aniqlash va baholash usuli;
yakuniy nazorat - semestr yakunida tegishli fan bo‘yicha talabaning nazariy bilim va amaliy ko‘nikmalarini o‘zlashtirish darajasini aniqlash maqsadida o‘tkaziladi.
7. Yakuniy nazorat turini o‘tkazish shakli kafedra tomonidan belgilanadi.
8. Talabalarning bilim saviyasi, ko‘nikma va malakalarini nazorat qilishni baholash tizimi asosida talabaning o‘zlashtirish darajasi baho orqali ifodalanadi.
9. Har bir fan bo‘yicha talabaning semestr davomidagi oraliq nazorati joriy va chegaraviy baholash shakllarida 5 baholik tizimda baholanadi.
Ushbu baho nazorat turlari bo‘yicha quyidagicha taqsimlanadi:
joriy baholashga – 0.4 koeffitsiyent;
chegaraviy baholashga – 0.6 koeffitsiyent.
Bunda talabaning joriy va chegaraviy bahosi umumlashtirilib, o‘rtacha arifmetik hisoblanadi. Ijobiy (3, 4, 5) baholar belgilangan koeffitsiyentga kupaytiriladi va ularning yig‘indisi yaxlitlanib, oraliq nazorat bahosi sifatida guruh jurnalida rasmiylashtiriladi.
10. Joriy baholash amaliyot o‘qituvchisi tomonidan o‘tkaziladi va og‘zaki so‘rov, test o‘tkazish, suhbat, nazorat ishi, kollokvium, uy vazifalarini tekshirish va shu kabi boshqa shakllarda o‘tkazilishi mumkin. Amaliyot dars mashhulotlaridagi faolligi va mustaqil taʼlim topshiriqlarini bajarishi xam ushbu bahoda aks ettiriladi. Chegaraviy baholash maʼruza o‘qituvchisi tomonidan o‘tkazilib, fanning maʼlum bir bulimi yakuniga kura test, yozma, og‘zaki va boshqa shakllarda o‘tkazilishi mumkin.
11. Fan bo‘yicha oraliq nazoratlarning kamida bittasidan ijobiy baholanmagan talabalar yakuniy nazoratga kiritilmaydi.Talabalarning bilimi quyidagi mezonlar asosida:
talaba mustaqil xulosa va qaror qabul qiladi, ijodiy fikrlay oladi, mustaqil mushohada yuritadi, olgan bilimini amalda qo’llay oladi, fanning (mavzuning) mohiyatini tushunadi, biladi, ifodalay oladi, aytib beradi hamda fan (mavzu) bo’yicha tasavvurga ega deb topilganda — 5 (a’lo) baho;
talaba mustaqil mushohada yuritadi, olgan bilimini amalda qo’llay oladi, fanning (mavzuning) mohiyatni tushunadi, biladi, ifodalay oladi, aytib beradi hamda fan (mavzu) bo’yicha tasavvurga ega deb topilganda — 4 (yaxshi) baho;
talaba olgan bilimini amalda qo’llay oladi, fanning (mavzuning) mohiyatni tushunadi, biladi, ifodalay oladi, aytib beradi hamda fan (mavzu) bo’yicha tasavvurga ega deb topilganda — 3 (qoniqarli) baho;
talaba fan dasturini o’zlashtirmagan, fanning (mavzuning) mohiyatini tushunmaydi hamda fan (mavzu) bo’yicha tasavvurga ega emas deb topilganda — 2 (qoniqarsiz) baho bilan baholanadi.

5 baholik	100 ballik
5	90-100
4	70-89
3	60-69
2	59 va undan past