Mashg’ulotni o’tkazish joyi :auditoriya
Mashg’ulotning jihozlanishi : tarqatma materiallar, texnik vositalar
Mashg’ulotning davomiyligi : 2 soat
Mashg’ulotning maqsadi :Talabalarga fikrlash jarayonlarining tabiati, insayt – oydinlashuv, nazariy tafakkur, amaliy tafakkur, ko’rgazmali – harakat tafakkuri, ko’rgazmali-obrazli tafakkur, mantiqiy tafakkur, reproduktiv, produktiv yoki ijodiy tafakkur to’g’risida nazariy bilimlar berish, konvergent fikrlash, divergent tafakkur, kreaktivlik sifati, predikativ tafakkur, sun’iy intellekt yoki tafakkurni o’zlashtirish hamda intuitiv tiplilar va fikrlovchi tiplar bo’yicha amaliy ko’nikmalarni shakllantirish.
Моtivasiya: Mustaqil fikrlash – insonning tevarak atrofda ro’y beradigan voqea-hodisalarga, avval, ichki nutqda, so’ngra tashqi nutqda munosabat bildirish qobiliyatidir, deb ta’riflanadi. Mustaqil fikrlash ijtimoiy ahamiyatga ega shaxs xislati sifatida har qanday faoliyatda individual va jamoada yutuqlarga erishishda yuqori darajani ta’minlaydigan muhim omil hisoblanadi.
Fanlararo va fan ichida bog’liqlik: Mustaqil fikrlash shaxs xislati sifatida har qanday faoliyatda individual yoki jamoaviy yutuqlarga erishishda yuqori darajini ta’minlaydigan muhim omil hisoblanadi. Mustaqil fikrlash qobiliyati inson xulq-atvoridagi umumiy mustaqillik bilan bog’liq bo’lib, mustaqillikni tarbiyalash – keng qamrovli yondoshuvni talab qiladigan ilmiy muammo sifatida mohiyatan ijtimoiy-psixologiyaning predmetlaridandir.Mustaqillikka moyillikning rivojlanishi ikki yo’nalish asosida amalga oshiriladi: 1) Mustaqillikning shaxs xislati sifatida vujudga kelishi ijtimoiy muhitga bog’liq. Bu bog’liqlik mustaqillikka bo’lgan extiyojlarini qondirishda ifodalangan mustaqillik mazmuni xarakterida ifodalanadi; 2) Mustaqillikning shaxs xislati sifatida shakllanishida individual xususiyatlar u yashaydigan va mehnat qiladigan jamoada vujudga keladigan munosabatlariga, qobiliyatlariga hamda uning faolligiga bog’liq bo’ladi.
