Toshkent moliya instituti iqtisodiyot fakulteti

Birinchi bosqichda tashkilotchilar va IPO ishtirokchilari guruhi
tuziladi hamda ular tomonidan kompaniya moliyaviy strategiyasi
belgilanadi va mos ravishda biznes-reja ishlab chiqiladi. Shuningdek,
kompaniya tayyorgarlik darajasi moliyaviy tomondan baholanadi. Bu
jarayonda xalqaro standartlar asosida moliyaviy hisobotlar tayyorlanadi.

Ikkinchi bosqichda tashqi hamkorlar, maslahatchilar, yirik
potensial investorlar tomonidan kompaniya moliyaviy holatining
ishonchliligini tekshirish (ingl. “due diligence”) jarayoniga katta
e’tibor qaratiladi. Bu jarayon o‘z ichiga oladigan jihatlar quyidagi jadvalda keltirilgan (1-jadval):

1-jadval

Kompaniya moliyaviy holatining ishonchliligini tekshirish jarayonlari.³



Shuningdek, qimmatli qog‘ozlarni joylashtirish bo‘yicha PR-agentlar,
investorlar bilan ishlashga jiddiy yondashilib, potentsial investorlar oldiga borib
taqdimotlar o‘tkaziladi. Taqdimotlar o‘tkazish uchun potentsial investorlarni
tanlashda investor faoliyati tashkil etilgan davlatda soliqqa tortish darajasini ham
hisobga olish talab etiladi. Chunki dividendlarga nisbatan soliq yuki yuqori
bo‘lgan davlatlarda aksiyalar sotib olish orqali daromad ko‘rishga intilish darajasi
nihoyatda past bo‘ladi.

Bundan tashqari mazkur bosqichda savdo maydonini tanlash, ya’ni qimmatli
qog‘ozlar bo‘yicha oldi-sotdi bitimlari ro‘yxatga olinadigan fond birjasi va ochiq
bozorga chiqish vaqti aniqlab olinadi. IPO o‘tkazish bosqichlaridan eng asosiysi hisoblangan uchinchi bosqichda qimmatli qog‘ozlarni davlat organlarida va birjada ro‘yxatdan o‘tkazish, joylashtirilishi kutilayotgan qimmatli qog‘ozlar narx diapazonini belgilash, birlamchi emissiya prospektini chop etish amalga oshiriladi.

Yakuniy to‘rtinchi bosqichda esa kompaniya aksiyalarining birjada
muomalasi boshlanib, unda aksiyadorlar va menejerlardan tashqari anderrayterlar,
moliyaviy, yuridik va soliq maslahatchilari, potentsial investorlar va moliya
bozorining boshqa ishtirokchilari qatnashadi. Shuningdek, strategik ahamiyatga
ega kompaniyalar aksiyalarini joylashtirishda davlat organlari ham ishtirok etishi
mumkin. Bunda anderrayterlar birlamchi bozorda aksiyalarni kafolatli joylashtirish
bilan shug‘ullansa, soliq maslahatchilari aksiyalarni joylashtirishda soliqqa oid
masalalar yuzaga kelganda bevosita ishtirok etadi.

Yuqorida ta’kidlab o‘tganimizdek, IPO operatsiyalarini o‘tkazish ma’lum
darajada xarajatlarni talab qiladi. Bunda aksiyalarni joylashtirishga ketadigan
xarajatlarni shartli ravishda boshlang‘ich va asosiy xarajatlarga bo‘lish mumkin.
IPO o‘tkazishning maqsadga muvofiqligini baholashga ketgan xarajatlar
boshlang‘ich xarajatlar sifatida baholanadi. Asosiy xarajatlar bevosita
tayyorgarlikka ketgan xarajatlardir. Umumiy holda, IPO qiymati quyidagi
xarajatlardan kelib chiqadi:

• 
  yuridik due diligence;
  
• 
  moliyaviy va soliqlar bo‘yicha due diligence;
  
• 
  auditorlik hisobotlarini tayyorlash;
  
• 
  aktivlarni baholash;
  
• 
  anderrayterlar bilan shartnomalar tuzish va anderrayter mukofoti;
  
• 
  aksiyalar emissiyasi va ularni ro‘yxatdan o‘tkazish xarajatlari;
  
• 
  soliqlar, bir martalik yig‘imlar va boshqa xarajatlar.⁴
  

Eng ko‘p xarajat talab qiladigan jarayon bu kompaniya moliyaviy holatining
ishonchliligini tekshirish jarayonidir.

IPO o‘tkazish bo‘yicha asosiy xarajatlardan biri Xalqaro fond birjalariga listing uchun dastlabki to‘lovlar va har yillik badallar hisoblanadi. Quyida xalqaro fond birjalarida amal qiluvchi listing uchun dastlabki va har yillik badallarni keltirib o‘tamiz (2-jadval):