Toshkent tibbiyot akademiyasi ichki kasalliklar propedevtikasi kafedrasi bemorlarni tekshirish xaritasi
Yüklə 1,03 Mb. Pdf görüntüsü
|
|
Haroratning sutkalik tebranishi tavsifiga mos ravishda harorat egri chizig‘i turlari 1- Doimiy isitma sutka davomida ertalabki va kechki tana harorati orasidagi farq 1°S dan oshmasligi bilan tavsiflanadi; 2- Bo‘shashtiruvchi isitma – tana haroratining sutkalik farqi 1°S dan yuqori, bunda ertalabki minimal harorat 37°S dan yuqori; 3- Vaqti-vaqti bilan paydo bo‘ladigan isitma – tana haroratining sutkalik farqi 1°S dan yuqori, bunda uning eng pastki ko‘rsatkichlari - me’yor ko‘rsatkichlari doirasida; 4- Gektik isitma – tana haroratining keskin oshishi (2-4°S) va uning me’yor yoki me’yordan past ko‘rsatkichlargacha pasayishi bilan tavsiflanadi; 5- Isitmaning teskari turi – ertalabki tanga haroratining kechkiga nisbatan yuqoriligi bilan farqlanadi; 6- Noto‘g‘ri isitma – tana haroratining turli va noto‘g‘ri tebranishlari bilan farqlanadi. Tana harorati egri chiziqlarining alohida shakli 1. Qaytuvchi isitma – isitmali davrlar isitmasiz davrlar bilan navbatma-navbat almashinadi; 2. To‘lqinsimon isitma - tana haroratining davriy ko‘tarilishi va so‘nishi bilan tavsiflanadi. Patologik nafas (spirogramma) turlari 1 – Grokko nafasi – birmuncha Cheyn-Stoks nafasini eslatadi, biroq nafas pauzasi o‘rniga keyinchalik nafas harakatlari chuqurligining oshishi va so‘ngra uning kamayishi bilan kuchsiz yuza nafas olish kuzatiladi; 2 - Cheyn-Stoks nafasi – uzoq davom etadigan (bir necha sekunddan 1 daqiqagacha) nafas tanaffusidan so‘ng dastlab shovqinsiz, yuza nafas paydo bo‘lib, u chuqurlashib, shovqinli bo‘lib qoladi va u 5-7 nafasda maksimal darajaga etadi, keyin esa qayd etilgan ketma-ketlikda pasayadi va navbatdagi qisqa muddatli pauza bilan yakunlanadi; 3- Biot nafasi – uzoq (bir necha sekunddan yarim daqiqagacha) tanaffuslar bilan deyarli bir xil vaqt oralig‘ida almashinib turadigan ritmik, biroq chuqur nafas olish harakatlari bilan tavsiflanadi; 4 - Kussmaul nafasi – baland shovqinli katta nafas olish harakatlari bilan kechadigan chuqur va siyrak nafas olish. |