Toshkent viloyati chirchiq davlat

II BOB. 7-SINF ONA TILI DARSLIGIDA BERILGAN MAVZULAR BILAN ISHLASH. FE’L SO‘Z TURKUMI
II.1. Fe’l so‘z turkumi, so‘z-gaplarni o‘rgatishda nutq o‘stirish mashqlari va pedagogik texnologiyalarni qo‘llash...........................................................23-bet
II.2. Fe’l mayllari va zamon shakllarini o‘rgatish jarayonida o‘quvchilarning nutqini o‘stirish.....................................................................................24-29 bet
Xulosa...................................................................................................30-bet
Foydalanilgan adabiyotlar................................................................31-bet

K I R I S H

Kurs ishi mavzusining dolzarbligi. “Ma’lumki, ota-bobolarimiz qadimdan bebaho boylik bo‘lmish ilm-u ma’rifat, ta’lim va tarbiya inson kamoloti va millat ravnaqining eng asosiy sharti va garovi deb bilgan”, - deganda ham ta’lim va tarbiyaning inson ma’naviyatidagi o‘rniga to‘xtalgan desak mubolag‘a bo‘lmaydi. Ayniqsa, umumta’lim maktablari o‘quvchilarining ma’naviyat kamolotini o‘stirish, ularni mustaqil fikrlashga o‘rgatishda, nutq o‘stirish va noan’anaviy dars o‘tishning o‘rni beqiyosdir. Badiiy asarlarni, she’riyatni, hikoya, roman va maqolalarni hamda matnlardagi so‘zlarni tahlil qilish, shu asosda matndagi so‘zlarning o‘z o‘rnida qo‘llanishini aniqlash va belgilab borish o‘qituvchidan katta bilim va salohiyatni talab etadi. Ishni tahlil qilish jarayonida biz darsliklardagi, badiiy asarlardagi, gazeta va jurnallardagi hamda she’riyatdagi matnlarni tahlil qilib, ularga ma’no va mazmun bag‘ishlagan narsa so‘zlar ekanligini ko‘rsatishga harakat qildik. Biz ko‘pgina misollarda so‘zlardan va interfaol uslublar va pedagogik texnologiyalardan foydalanishni ham nazariy ham amaliy jihatdan yoritdik. Chunki har bir inson, ayniqsa, talaba va o‘quvchilar shaxsning ismini, predmetning nomini (ot so‘z turkumi orqali), rangini va sifatini (sifat so‘z turkumi), sonini va sanog‘ini (son so‘z turkumi orqali), harakatini va holatini (fe’l so‘z turkumi orqali) aniqlaydi. Shuningdek, gapda ravish, olmosh hamda yordamchi so‘z turkumlarining o‘z va muhim o‘rni bor. Bular esa nutq o‘stirishda bevosita ishtirok etadi. Bu esa ishimizning dolzarbligini belgilaydi.