Tourism and recreation in the XXI century: problems and prospects

TOURISM AND RECREATION IN THE XXI CENTURY: PROBLEMS AND PROSPECTS
3-4 May 2019
68
Baku, Azerbaijan

---

MDB ölkələri arasında kənd təsərrüfatı məhsullarının əsas istehsalçılarından olan Azərbaycan son 
dövrlər, idxalın əvəzlənməsi, o cümlədən, ixrac üçün kənd təsərrüfatını və ərzaq sənayesini daha da 
inkişaf etdirmək niyyətini qarşıya qoymuşdur. Bunun üçün ölkəmizdə təbii və antropogen amillər 
mövcuddur. Bu amillər birlikdə aqroturizmin və onun əsas seqmenti - ekoturizmin inkişafı üçün də 
ideal şərait formalaşdırmaqdadır. Aqroturizm və ekoturizminin inkişafına şərait yaradan ailə-kəndli və 
fermer təsərrüfatlarıdır ki, bunlar da ölkəmizdə kifayət qədərdir. Ölkəmizdə bu sahələrin inkişafı milli 
mədəniyyəti özündə əks etdirən ənənəvi texnologiyalara, qonaqpərvərlik və milli mətbəxdə 
əsaslandığı üçün əcnəbi turistlər üçün çox cəlbedicidir. Bu deyilənlərə bariz nümunə kimi cədvəl 2-də 
turizm üçün xarakterik sahələr üzrə əsas göstəricilərə nəzər yetirmək kifayətdir. Cədvəl 2-dən 
göründüyü kimi turizm sahəsində çalışanların, əldə olunan gəlirlərin artımı sübut edir ki, ölkəmizdə 
turizm sənayesi yeni olmasına baxmayaraq inkişafdadır. Hər iki sahənin artım tempini Azərbaycan 
Respublikası Dövlət Statistika Komitəsinin məlumatları əsasında tərtib etdiyiniz 3-cü şəkildən də 
müəyyənləşdirmək olar. Şəkildən göründüyü kimi, hər iki sahədə illər üzrə artım müşahidə olunur. 
Əgər hər iki sahə bir biri ilə əlaqəli şəkildə fəaliyyət göstərsə, o halda sdahələr daha effektif sürətli 
inkişaf etmiş olar. Bütün bunlar onu sübut edir ki, kənd təsərrüfatı və aqroturizmin birgə fəaliyyəti 
rayonlarımızda iqtisadi göstəricilərin artmasına şərait yarada bilər. Kənd qonaq evlərinin və ekoaqro 
təsərrüfatların təşkili kənd təsərrüfatının inkişafına, əmək məşğulluğunun artmasına şərait yaradar ki, 
bu da əmək qabiliyyətli gənclərin şəhərlərə üz tutmasının qarşısını alar, kənddə məşğulluq səviyyəsi 
yüksələr, unudulmaqda olan adət-ənənələr, sənətkarlıq nümunələri bərpa olunar.