Turizm infratuzilmasini rivojlanishda xorij tajribasidan foydalanish

---

Turizm infratuzilmasini rivojlanishda xorij tajribasidan 
foydalanish (Turkiya tajribasi) 
Xurrambek Umarovich Qadamboyev 
Urganch davlat universiteti 
Annotasiya: Ilmiy maqolada mamlakatning turistik infratuzilmasi tasvirlangan. 
Takomillashtirish va rivojlantirishning strategik yo’nalishlarini belgilash, ya’ni xorijda 
ushbu sohada olib borilayotgan ishlarni tahlil qilish asosida ishlab chiqish 
yo’nalishlarini aniqlash va turistlarga sifatli xizmat ko’rsatishni rivojlantirish uchun 
taklif va tavsiyalar. 
Kalit so’zlar: turizm, sayyoh, turoperator, infrastruktura, turistik xizmatlar, viza, 
iqtisodiyot, mehmonxona biznesi, mehmonxona nomerlari. 
Use of foreign experience in the development of tourism 
infrastructure (Turkish experience) 
Khurrambek Umarovich Qadamboyev 
Urgench State University 
 
Abstract: The scientific article describes the tourist infrastructure of the country. 
Suggestions and recommendations for the development of quality services to tourists, 
identifying areas for development based on the analysis of work in this area abroad, ie 
identifying strategic directions for improvement and development. 
Keywords: tourism, tourist, tour operator, infrastructure, tourist services, visa, 
economy, hotel business, hotel rooms. 
 
Kirish: Yurtboshimiz tomonidan 2019-yil 5-yanvar sanasida “O’zbekiston 
Respublikasida turizmni jadal rivojlantirishga oid qo’shimcha chora-tadbirlar 
to’grisida”gi PF-5611 sonli farmon qabul qilindi. 
Bu farmonga asosan quyidagi yo’nalishlar: 
Turizm infratuzilmasini rivojlantirish hamda maqbul va qulay turizm muhitini 
yaratish; 
Turizm bozorining turli sigmentlariga yo’naltirilgan turizm mahsuloti va 
xizmatlarning diversifikatsiya qilish; 
Turizm tarmog’i uchun kadrlar tayyorlash, qayta tayyorlash va malakasini 
oshirish tizimini takomillashtirishga alohida e’tibor berilgan bo’lib, amalga oshirilishi 
kerak bo’lgan vazifalarni belgilab berildi. 
"Science and Education" Scientific Journal / ISSN 2181-0842
January 2022 / Volume 3 Issue 1
www.openscience.uz
1104

---

Shu bilan birga Prezidentimizning 2018-yil 6-fevradagi “O’zbekiston 
Respublikasi Turizmni rivojlantirish davlat qo’mitasining faoliyatini yanada 
takomillashtirish chora-tadbirlari to’g’risida”gi PQ-3510-sonli Qarorida Turizm 
qo’mitasining vakolati va amalga oshirishi kerak bo’lgan vazifalari, turistik 
infratuzilmani shakllantirish borasidagi yo’nalishlari belgilab berilgan. 
Erishilgan natijalar 
2016 yilda O’zbekiston turizm sohasini tubdan isloh qilish jarayoni boshlandi. 
Turizm sohasidagi o’zgarishlar milliy iqtisodiyotni rivojlantirishning strategik 
yo’nalishlaridan biri bo’lib, u hududlarning jadal rivojlanishini ta’minlay oladi. 
Tahlillar sohaga tegishli asosiy ko’rsatkichlarning ijobiy dinamikasini ko’rsatdi. 
Xususan, 2016-2019 yillar oralig’ida O’zbekistonga tashrif buyurgan xalqaro 
sayyohlarning sonida sezilarli o’sish kuzatildi. Solishtirish uchun, 2016 yilda 
mamlakatga 2 million chet ellik sayyohlar tashrif buyurgan bo’lsa, 2019 yilda ularning 
soni 3,3 barobarga ko’payib, 6,7 millionga yetdi. 
2018 yilda chet ellik sayyohlar soni 2017 yilga nisbatan 98%ga, sayyohlik 
faoliyati bilan shug’ullanuvchi korxona va tashkilotlar soni esa 131%ga ko’paydi. 
E’tiborli jihati shundaki, sayyohlar sonining oshishi turli hududlarda turlicha ro’y 
bermoqda. Misol uchun, Markaziy Osiyo mamlakatlaridan tashrif buyurganlar soni 
yillik o’rtacha 22-25 foiz atrofida ko’paygan bo’lsa, uzoq xorijiy mamlakatlar 
fuqarolari orasida yillik o’sish 50 foizni tashkil etdi. 
Shu bilan bir qatorda ichki turizm ko’rsatkichlarida ham ijobiy natijalar qayd 
etildi. 2016 yil bilan solishtirganda 2019 yilda mahalliy sayyohlarning soni deyarli 2 
barobarga ko’payib, 14,7 millionga yetdi.