Tushuntirish xati

MMIBDO‘: ______________________

Sinf rahbar: ______________________

22-mavzu:Yumshoq ko’nikmalar haqida bilasizmi ?

Kun shiori: “Orzusiz inson bo`lmaydi, orzusiz yashab bo`lmaydi”

Maqsad: O`quvchilarda vatanparvarlikni singdirish, kelajakda o`z orzulari uchun harakat qila olishlikni, izlagan imkon topa olishini ular ongiga singdirish.

Natija: O`quvchilarning erkin fikrlashi, tassurotlari va olgan xulosasi.

Ijtimoiy faol fuqarolik kompetensiyasi — jamiyatda bo‘layotgan voqea, hodisa va jarayonlarga daxldorlikni his etish va ularda faol ishtirok etish, o‘zining fuqarolik burch va huquqlarini bilish, unga rioya qilish, mehnat va fuqarolik munosabatlarida muomala va huquqiy madaniyatga ega bo‘lish layoqatlarini shakllantirish.

Milliy va umummadaniy kompetensiya — vatanga sadoqatli, insonlarga mehr-oqibatli hamda umuminsoniy va milliy qadriyatlarga e’tiqodli bo‘lish, badiiy va san’at asarlarini tushunish, orasta kiyinish, madaniy qoidalarga va sog‘lom turmush tarziga amal qilish layoqatlarini shakllantirish.

Foydalanadigan ko`rgazmali qurollar: O`zbekiston Respublikasi Prezidenti Islom Karimovning: “Yuksak ma`naviyat-yengilmas kuch”, “O`zbekiston mustaqillikka erishish ostonasida”, “O`zbekiston buyuk kelajak sari”, Buyuk Turon amiri yoxud aql va qilich, O`zbekiston Respublikasi Konstitutsiyasi, Ma’naviyat qalbim quyoshi, Ma’naviyat yulduzlari, Pedagogika, shiorlar, plakatlar, devoriy gazetalar, slaydlar, tarqatma materiallar.

Doskada: “Intilganga tole yor, o`z orzularingiz, tanlagan kasbingiz yo`lida hech tolmang!”

O`qituvchi:

O‘quvchilarni kasb-hunarga yo‘naltirish psixologik-pedagogik tashxis markazida Xalq ta’limi vazirligi bilan hamkorlikda “Zamonaviy shaxs ko‘nikmalari — “yumshoq” (Soft skills) ko‘nikmalarni rivojlantirish. Tushunchalar, amaliyot va nazariya” mavzusida trening o‘tkazildi.

Treningni xalqaro toifadagi kouch, biznes-trener, psixolog Venera Ermetova olib bordi. Toshkent shahar xalq ta’limi bosh boshqarmasi, tuman XTB metodistlari, maktab psixologlari qatnashgan treningda “Emotsional kapital yoki emotsional intellekt”, “O‘z-o‘zini samarali motivlashtirish tizimi”, “Shaxsning kuchli va zaif tomonlari”, “O‘z-o‘zini baholash va o‘z ustida ishlash rejasi” kabi globallashuv davriga xos mavzular muhokama markazida bo‘ldi.

— Ta’lim sohasidagi mutaxassislarda zamonaviy ko‘nikma va tasavvur yetarli emas. Aynan shu jihatlarni puxta o‘rgangan mutaxassislar ko‘magiga ehtiyoj sezmoqdamiz. Bugungi trening mashg‘uloti maktab psixologlarining tasavvurini kengaytirib, ta’lim-tarbiya jarayonida natijadorlikni ta’minlashiga umid qilamiz,— deydi markaz rahbari vazifasini bajaruvchi Noroy Soatova.

— Treningda o‘zimni qiynayotgan muammolarga yechim topdim, — deydi Shayxontohur tumanidagi 254-maktab psixologi Surayyo Ashurova. — Bolaga ismi orqali murojaat qilish biz pedagoglarni unga tobora yaqinlashtiradi. Agar o‘quvchi bilan o‘qituvchi o‘rtasidagi masofa sezilarli darajada qisqarsa, maqsadga tez erishiladi. Muammoli o‘smirlar soni keskin qisqaradi. Bola shaxsini tinglay olsakkina ishimizda muvaffaqiyat bo‘lishi mumkinligini yaqqol sezdim.