Umumiy kimyo

3. AgNO₃ - kumush nitrat (Ag⁺ ioni)
AgNO₃ karbonatlar eritmasiga ta’sir ettirilganda kumush karbonatning suyultirilgan kislotalarda va ammoniy gidroksidda eriydigan oq cho‘kmasi hosil bo‘ladi:
2Ag⁺ + CO₃^-2 → Ag₂CO₃↓
Tajriba: Probirkaga natriy karbonatning 2-3 tomchi eritmasi tomiziladi va unga shuncha kumush nitrat eritmasi qo‘shiladi. Natijada oq cho‘kma tushadi.
SO₄^2- va SO₃^2- ishtirokida CO₃^2- ionini topish.
SO₄^2- yoki SO₃^2- ionlarining bo‘lishi CO₃^2- ni topishga xalal beradi. Chunki sulfid va miosulfatlarga kislota ta’sir ettirilmasdan hosil bo‘ladigan SO₂ gazi Ca(OH)₂ eritmasi tomonidan yutilganda oq cho‘kma CaSO₄ hosil bo‘lishi mumkin. Shuning uchun yuqoridagi anionlarni topgandan keyin ularni albatta oksidlash kerak. Buning uchun eritmaga H₂SO₄ qo‘shishdan oldin mo‘lroq(4-6 tomchi) H₂O₂ eritmasi qo‘shiladi. So‘ngra tajriba yuqorida ko‘rsatilganidek o‘tkaziladi. Vodorod peroksid o‘rniga boshqa oksidlovchilar KMnO₄, KCrO₄ va boshqalar ishlatilishi mumkin.


PO₄^3- ionlarining xususiy reaksiyasi
1.BaCl₂-bariy xlorid.
Bariy xlorid fosfatlarning neytral eritmalaridan bariy gidrofosfatning oq amorf cho‘kmasini ajratib chiqaradi:
Na₂HPO₄ + BaCl₂ → BaHPO₄↓ + 2NaCl
HPO₄^-2 + Ba²⁺→ BaHPO₄↓
Cho‘kma mineral kislotalarda (H₂SO₄ dan tashqari) va sirka kislotada eriydi.
Tajriba: Natriy gidrofosfatning 4-5 tomchi eritmasiga shuncha bariy xlorid eritmasi qo‘shiladi. Cho‘kmaning xlorid va nitrat kislotalarda erishi tekshiriladi.