Adabiyotlar: 1.Z.T.Nishanova.N.G.Kamilova.D.U.Abdullayeva,M.X.Xolnazarova.”Rivojlanish psixiologiyasi.Pedagogik psixologiya.Toshkent-2018 (412-442 bet)
2.E.G’oziyev “Rivojlanish psixologiyasi” Toshkent-2010 (285-309 bet)
14-Mavzu:Shaxs ijtimoiylashuvi va ijtimoiy xulq-atvor.Kichik va katta guruhlar psixologiyasi.Oila psixologiyasi. Mavzu rejasi: 1.Shaxs ijtimoiylashuvi va bosqichlari.
2.Ijtimoiy institut- inson faoliyatining muhim sohalarini tartibga soluvchi ob’ekt sifatida.
3.Ijtimoiy ustanovka xaqida tushuncha.
4.Ijtimoiy psixologiyada kichik guruhlar muammosi.
5. Katta guruhlar psixologiyasiga xos umumiy xususiyatlar.
6.Oila psixologiyasiga kirish va oilani o‘rganishga doir ilmiy yondashuvlar.
7.Oilaning asosiy vazifalari oila guruhining muhim integral xususiyatlari: vazifalari, tuzilishi, dinamikasi.
8.Oilaviy hayotga tayyorlik muammo sifatida
14.1.Shaxs ijtiomiylashuvi va bosqichlari. Shaxs- "Homo sapiens " turining yagona vakilidir. Odamlar bir-biridan nafaqat morfologik xususiyatlar (o‘sish, tana va ko‘z rangi kabi) balki psixologik xususiyatlar (qobiliyat, temperament, hissiylik) bilan ham farqlanadi.
Individuallik-muayyan shaxsning noyob shaxsiy xususiyatlarining birligidir. Bu uning psixofizilogik tuzilishining o‘ziga xosligi (temperament turi, jismoniy va aqliy xususiyatlari, dunyoqarash, hayot tajribasi).
Shaxsning shakllanishi-bu umumiy, ijtimoiy mohiyatni rivojlantirishdan iborat bo‘lgan insonning ijtimoiylashuv jarayoni bo‘lib ushbu rivojlanish har doim inson hayotining o‘ziga xos tarixiy sharoitlarida amalga oshiriladi. Insonning shakllanishi jamiyatda rivojlangan ijtimoiy funksiyalar va rollarni ijtimoiy me’yorlar va xatti-harakatlar qoidalarini qabul qilish bilan bog‘liq bo‘lib, boshqa odamlar bilan munosabatlarni o‘rnatish qobiliyatini shakllantirish bilan bog‘liq.
Individ uch bosqich davomida shaxs bo‘lib shakllanib boradi. Jumladan;
