M.ƏLƏKBƏRLİ.
Heç kəsə sirr deyil ki, yer üzünün
əşrəfi sayılan insan üçün ən şirin nemət
cansağlığıdır. Bu baxımdan insanların
sağlamlığı keşiyində dayanan həkimlərin
də ən müqəddəs peşə sahibi adlandırılma-
sı təbiidir. Elə bütün arzuların fövqündə də
cansağlığı dayanır.
Redaksiyamıza gələrək ona şəfa verən
həkimlərin şəfqətindən ürək dolusu danışan
Gülzadə Nəsib qızı Məmmədovanı dinlədikcə
həkimlik peşəsinin müqəddəsliyini san-
ki yenidən “kəşf elədik”. Gülzadə xanım rit-
mi pozulan ürəyinin döyüntülərini öz axarı-
na qaytaran həkimlərə minnətdarlıq hissini
də ürəklə çatdırırdı. Əslində “yumruq boyda”
ürəyin insan həyatındakı xüsusi rolunu yada
salmağa ehtiyac da yoxdur. El arasında “ürək
həkimi” kimi tanınan kardioloqların yeri baş-
qadır. Cəmiyyətdə ağır xəstəliklərə uzun
müddət sinə gərməyi bacaran insanlar barədə
deyilən “ürəyi sağlam imiş” ifadəsinə də tez-
tez rast gəlirik. Böyük ovqat şairi Hüseyn Arif
isə ürəyin gücünü belə tərənnüm edirdi:
İlləri yola salmışam,
Mahnı qoşub, saz çalmışam.
Ömür deyir qocalmışam,
Ürək deyir yaşa hələ.
Vəzifəsi ürəkləri yaşatmaq olan sağ-
lamlıq keşikçiləri hər cür ehtirama layiqdirlər.
Gülzadə xanım da böyük ehtiramla ürək
damarlarında uğurlu stent implantasiyası
aparan ATU-nun Tədris Terapevtik Klinika-
sının kardiologiya şöbəsinin invaziv kardio-
loqu Elnur İsayevə, şöbənin müdiri, dosent
Fərid Əliyevə, dosent Şəfəq xanım İbrahi-
movaya, həkim kardioloqlar Fuad Səmədov,
Afiyəddin İskəndərov və tibb bacılarına öz
ailəsi, doğmaları adından təşəkkürünü bildi-
rir. İstəyir ki, onun sevincindən, minnətdarlıq
hissindən şöbənin bütün tibbi personalına
pay düşsün.
Bəlkə də dünyada ən gözəl hiss kiməsə
gərəkli olduğunu duymaq, insanlara edə
biləcəyin xeyirxahlıqdan zövq almaqdır.
Heç bir maddiyyatla ölçülməyən bu zövqü
yaşamaq bütün peşə sahiblərinə, xüsusilə
həkimlərə qismət olsun.
A.KAMRANOĞLU
Fakültələrdə istehsalat müşavirələri keçirilib
ÜRƏK DEYİR YAŞA HƏLƏ...
Allah rəh mət elə sin!
