Urganch davlat universiteti jismoniy madanyat fakulteti

URGANCH DAVLAT UNIVERSITETI

JISMONIY MADANYAT FAKULTETI

___ -KURS ____-GURUH TALABASI ___________________________________________________________NING ___________________________________________ FANIDAN TAYORLAGAN
KURS ISHI
MAVZU: O’zbekiston Respublikasi Prezidentining “O’zbekiston bolalar sportini rivojlantirish jamg’armasi faolyatini takomullashtirish chora tadbirlari to’g’risida” gi farmoni.
Topshirdi: ___________________

Qabul qildi: ___________________

Urganch-2023

REJA
KIRISH

ASOSIY QISM
I BOB. O‘ZBEKISTON RESPUBLIKASI VAZIRLAR MAHKAMASINING QARORI.
1.1 O’zbekiston bolalar sportini rivojlantirish jamg’armasi faolyatini tashkil qilinishi.
1.2 Bolalar sportini rivojlantirish jamg‘armasi muassislar
II BOB. O'ZBEKISTON RESPUBLIKASI PREZIDENTINING FARMONI.
2.1 O'zbekiston Respublikasida jismoniy tarbiya va sportni rivojlantirish.
2.2 Jismoniy tarbiya va sport ssohasini rivojlantirishda vazirliklarning vazifasi.


III. XULOSA
VI. FOYDALANILGAN ADABIYOTLAR RO’YXATI
KIRISH
Mamlakatda amalga oshirilayotgan kadrlar tayyorlash davlat dasturiga muvofiq hamda o‘sib kelayotgan yosh avlodning jismoniy va ma’naviy salomatligini shakllantirishning, sog‘lom turmush tarziga intilish va sportga mehr-muhabbatni singdirishning g‘oyat muhim sharti sifatida bolalar ommaviy sportini rivojlantirishni ta’minlash maqsadida:
1. Yoshlarning “Kamolot” ijtimoiy harakati, “Sog‘lom avlod uchun” xalqaro jamg‘armasi, nohukumat jamoat tashkilotlari, O‘zbekiston Respublikasi Xalq ta’limi vazirligi, Oliy va o‘rta maxsus ta’lim vazirligi, sog‘liqni saqlash vazirligi, Davlat jismoniy tarbiya va sport qo‘mitasining O‘zbekiston Bolalar sportini rivojlantirish jamg‘armasini tuzish to‘g‘risidagi takliflari qabul qilinsin.
Belgilab qo‘yilsinki, O‘zbekiston Bolalar sportini rivojlantirish jamg‘armasi barcha, shu jumladan xorijiy tashkilotlar, uyushmalar, kompaniya va firmalarning, yuridik hamda jismoniy shaxslarning ishtirok etishlari uchun ochiq bo‘lgan xalqaro nohukumat jamoat tashkiloti hisoblanadi.
2. Quyidagilar Jamg‘armaning asosiy vazifalari etib belgilansin:
bolalar jismoniy tarbiya va sportini rivojlantirish borasida davlat siyosatini ishlab chiqish va amalga oshirishga, bolalar sportini aniq maqsad yo‘lida va barqaror avj oldirishga ko‘maklashish;
bolalarda sportga mehr uyg‘otish, o‘sib kelayotgan yosh avlod ongida sport bilan shug‘ullanish, sog‘lom turmush tarziga amal qilish, ma’naviy va jismoniy kamolga intilish, ularni salbiy ta’sirdan himoya qilish hamda zararli odatlardan xalos etish, bolalarni barqaror fe’l-atvorli, Vataniga mehr-muhabbat va o‘z mamlakati uchun g‘urur-iftixor ruhida tarbiyalash borasidagi chora-tadbirlar kompleksini amalga oshirish;
birinchi navbatda qishloq joylarda bolalar jismoniy tarbiya va sportining moddiy bazasini shakllantirish, aholi manzilgohlarida zamonaviy bolalar sport komplekslari tarmog‘ini barpo etish, ularni zamonaviy sport uskunalari hamda anjomlari bilan jihozlash, ulardan samarali foydalanishni ta’minlashga ko‘maklashish bo‘yicha zarur moliyaviy va moddiy mablag‘larni jamlash;
bolalarning jismoniy va ruhiy jihatdan uyg‘un kamol topishini ta’minlashni nazarda tutgan holda tibbiyot muassasalari va tashkilotlari bilan o‘zaro yaqin hamkorlikni ta’minlash;
hudud aholisining zichligini, sport mashg‘ulotiga jalb etiladigan bolalar soni, jinsi va yoshini e’tiborga oladigan bolalar sport maydonchalari va komplekslarining ilmiy asoslangan namunaviy loyihalarini ishlab chiqishga ko‘maklashish;
bolalarni jismoniy va ma’naviy tarbiyalashning zamonaviy shakl va uslublarini, jinsi va yoshiga qarab bolalarga sport ko‘nikmalarini singdirishning, sport sohasida iqtidorli bolalarni ixtisoslashtirilgan sport maktablari va markazlaridagi mashg‘ulotlarga tanlab olishning ilmiy asoslangan tizimlarini ishlab chiqishni tashkil etish hamda ularni tadbiq qilishga ko‘maklashish;
bolalarni jismoniy tarbiyalashning ilmiy asoslangan zamonaviy tizimlari, shakl va uslublarini joriy etish, bolalar sporti bo‘yicha ustozlar va pedagog kadrlarni mamlakatning yetakchi ilmiy hamda ta’lim markazlarida va chet ellarda tayyorlash, qayta tayyorlash hamda ularning malakasini oshirish borasida respublika Milliy olimpiya qo‘mitasi, sport federatsiyalari, klub va tashkilotlari bilan o‘zaro faol hamkorlik qilish;
bolalar ommaviy sportini rivojlantirish, istiqomat joylarida texnikaviy jihozlangan, zamonaviy bolalar sport komplekslarini barpo etish ahamiyatini keng targ‘ib qilishni tashkil etish va amalga oshirish, ushbu vazifalarni ro‘yobga chiqarishga jamoatchilikni, fuqarolarning o‘zini o‘zi boshqarish organlarini, kichik biznes, xususiy tadbirkorlik vakillarini, korxona va tashkilotlarni, shu jumladan xalqaro tashkilotlarni faol jalb etish;
(2-bandning to‘qqizinchi xatboshisi O‘zbekiston Respublikasi Prezidentining 2004-yil 8-yanvardagi PF-3376-son Farmoni tahririda — O‘zbekiston Respublikasi Qonun hujjatlari to‘plami, 2004-y.,1-2-son, 9-modda)
mamlakatimiz hamda chet el investitsiyalarini, homiylik mablag‘lari va grantlarni bolalar-o‘smirlar jismoniy tarbiya va sporti sohasiga keng ko‘lamda jalb etish borasidagi ishlarni tashkil qilish.