Urganch davlat universiteti "pedagogika" fakulteti

Kurs ishining maqsadi. “Devoni lug‘otit turk” asari orqali bizgacha yetib 
kelgan badiiyat namunalarini o‘rganish va ularning keyingi davr adabiyotiga 
ta’sirini o‘rganish hamda bularni fanga tatbiq etish. 
Tadqiqotning vazifalari: 
Asosan, birlamchi manbalarga tayanilgan hamda chet el tadqiqotchilari 
asarlaridan foydalanilgan holda “Devoni lug‘otit turk” asarini tahlilga tortish 
hamda u orqali bizgacha yetib kelgan badiiyat namunalarini to‘liq va mufassal 
yotitish. 
“Devoni lug‘otit turk” asarida qo‘llangan janrlar va ushbu janrlarning 
bugungi kundagi ahamiyatini yoritib berish. 
Ushbu ma’lumotlarni yoritishda asosan “Devoni lug‘otit turk” asarining 
o‘zidan hamda qator o‘zbek va chet el olimlarining “Devoni lug‘otit turk” asari 
xususidagi asarlardan foydalanish. 
Tadqiqotning obyektini M.Koshg’ariyning “Devoni lug’otit turk” asari 
(Toshkent.”Fan”.1967) tashkil qiladi. Shuningdek, Belyayev, Brokkelman kabi 
1
Мирзиёев Ш.М. Адабиёт ва санъат, маданиятни ривожлантириш – халқимиз маънавий оламини 
юксалтиришнинг мустаҳкам пойдеворидир. Президент Ш.Мирзиёевнинг Ўзбекистон ижодкор зиёлилари 
вакиллари билан учрашувдаги маърузаси // Халқ сўзи. – 2017. – 4 август. 

---

6 
chet el olimlari hamda Solih Mutallibov kabi o‘zbek olimlaring “Devoni lug‘otit 
turk” asari ustida olib borgan tadqiqot ishlari va qo‘lyozmalari ham tadqiqotning 
obyekti hisoblanadi. 
Kurs ishining predmetini “Devoni lug‘otit turk” asari orqali bizgacha yetib 
kelgan badiiyat namunalarini o‘rganish va ularning keyingi davr adabiyotiga 
ta’sirini o‘rganish hamda bularni fanga tatbiq etish tashkil qiladi. 
Tadqiqot usullari. Kurs ishida ilmiy sharh, qiyosiy-tarixiy, tavsiflash, 
sistemali yondashuv, nazariy va ma’rifiy tahlil usullaridan foydalanildi.