Urganch davlat universiteti turizm va iqtisodiyot fakulteti turizm va mehmonxona xo

Ishlab chiqarish ekskursiyalari quyidagi guruhostilarga bo‘linadi:

• 
  tarixiy- ishlab chiqarish;
  
• 
  iqtisodiy- ishlab chiqarish (masalan, bank, birja faoliyati);
  
• 
  texnik- ishlab chiqarish;
  
• 
  ishtirokchilarni kasbga yo‘naltiruvchi.
  

San’atshunoslik ekskursiyalari quyidagi guruhostilarga bo‘linadi:

• 
  teatral – tarixiy (masalan, “Samarqandning teatr hayoti”, “A.P.Chexov nomli dramaturg teatri tarixi” va sh.k.);
  
• 
  musiqiy – tarixiy (masalan, “Hamid olimjon teatrida bir kun” va sh.k.);
  
• 
  xalq amaliy san’atini ko‘rish (masalan, O‘zbekistondagi kulolchilar, zardo‘zlar va boshqa usta hunarmandlar faoliyatini bilan tanishish);
  
• 
  madaniyat arboblari hayoti va faoliyati bilan tanishtiruvchi joylar;
  
• 
  kartinalar galeriyasi, ko‘rgazma zallari, muzeylar, rassomlar va haykaltaroshlar ustaxonalarida va sh.k.
  

Adabiy ekskursiyalar odatda quyidagi guruhostilarga bo‘linadi:

• 
  adabiy biografik, bunday ekskursiyalar shoir, yozuvchi, dramaturglar yashab ijod etgan joylarda o‘tkaziladi (masalan, Sadriddin Ayniy muzey uyi, “Andijon - Bobur yurti” va sh.k.).
  
• 
  adabiy – tarixiy, o‘zbek adabiyotining rivojlanishining ma’lum davrini ochib beradi (masalan, “XX – asrda Buxoro adabiyoti”, “Adabiy Toshkent” va sh.k.).
  

Me’moriy – shaharsozlik ekskursiyalari tasnifi quyidagicha:

• 
  mazkur shaharning me’moriy qurilishini ko‘rsatuvchi ekskursiya;
  
• 
  ma’lum tarixiy davrning me’moriy yodgorliklarini ko‘rsatuvchi ekskursiya;
  
• 
  bitta me’mor ijodiyoti haqida ma’lumot beruvchi ekskursiya;
  
• 
  zamonaviy me’moriy namunalarni ko‘rsatuvchi ekskursiya.
  

Shuni ta’kidlash joyizki, u yoki bu mavzuli ekskursiya bir – biridan kamdan-kam alohida mavjud bo‘ladi. Masalan, tarixiy ma’lumotni me’moriy-shaharsozlik mavzusidagi ekskursiyada ham foydalanish mumkin; tabiatshunoslik ekskursiyalarining elementlari qariyib barcha ekskursiyalarda o‘z o‘rnini topadi. Barchasi ekskursiyani o‘tkazish sharoiti, shahar yoki hududning resurslariga bog‘liqdir.