Leksika mashqlari. Bu bosqich til materialini mustahkamlash davri bo‘lib,
tanishilgan yangi so‘zlar takrorlanadi va nutq jarayonida qo‘llashga qadam qo‘yiladi.
Leksik ko‘nikmalarni shakllantirishda mazkur bosqich muhim ahamiyat kasb etadi.
Mashqlarning asosiy turlari quyidagilardir:
1) lug‘at boyligini o‘zlashtirish, lug‘at tarkibini kengaytirish va ularni fahmlash
orqali bilib olish ko‘nikmalarini hosil qiladigan mashqlar;
2) retseptiv (tinglab va o‘qib tushunish) va reproduktiv (gapirish va qisman
yozuv) leksik mashqlar;
3) leksik birlikning har xil turlari (so‘z va so‘z birikmalari) va ishlatilish
o‘rinlarini o‘rgatish mashqlari.
- So‘z , so‘z birikmasi va gaplarni o‘qituvchi ortidan ovoz chiqarib takrorlash;
- yangi o‘rganilgan so‘zlarni matndan topish va tarjimasini aytish;
- chet tilida aytilgan harakat yoki holatni namoyish etib berish;
- so‘z ishtirokida sodda birikmalar tuzish;
- audiomatnda so‘zlar ifodalagan narsalarni yoki rasmlarni tinglangan tartibda
joylashtirish kabilar ilk mashq jarayonlarida amalga oshirilishi mumkin.
Amaliyot va takrorlash bosqichlarida quyidagi mashqlarn amalda qo’llash
lozim:
Ona tilida ifodalangan so‘zni chet tilidagi matndan topish;
Matn yoki gaplardagi bo‘sh joylarni tegishli so‘zlar bilan to‘ldirish;
So‘z ishtirokida turli birikmalar tuzish;
Matnda ajratib ko‘rsatilgan so‘zlarga savol tuzish;
Qavs ichidagi so‘zlarning mosini qo‘yib, gaplarni ko‘chirish;
Bo‘sh joylarni qavs ichida berilgan so‘zlarning sinonimi yoki antonimi
bilan to‘ldirish;
Berilgan so‘zlar orasidan ma’no jihatdan boshqacha
bo‘lgan so‘zni chiqarish;
Academic Research in Educational Sciences Volume 3 | Issue 2 | 2022 ISSN: 2181-1385
