Va axborot texnologiyalari 6-sinf toshkent – 2021

TAYANCH TUSHUNCHALAR
Internetdan yuklab olingan audio yoki videofayllarni 
eshitish va ko‘rish, kerakli qismini qirqib olish yoki 
taqdimot ko‘rinishidagi loyiha ishiga joylashtirish uchun 
audio yoki videomuharrir dasturlari kerak bo‘ladi. Audio 
yoki videomuharrir dasturlari yordamida audio yoki 
videofayllarni bir formatdan boshqa formatga o‘tkazish,
ularni tahrirlash mumkin.
1. Smartfoningizdagi “Kamera” ilovasini ishga tushiring va ovozli videoaxborot tayyorlang.
2. Videoaxborot tayyorlash uchun jurnalist sifatida uyingiz, mahallangiz, qishlog‘ingiz yoki biror 
manzarini tasvirga olib, uni ovozingiz bilan ta’riflang.
3. Tayyorlagan videofaylingizni “Windows Media Player” yordamida ko‘rib chiqing.
UYGA VAZIFA
1. Audioaxborot nima?
2. Videoaxborot nima?
3. Audioaxborotning raqamli shakli deganda nimani tushunasiz?
4. Audiofaylning formatlari qanday bo‘lishi mumkin?
5. Videofaylning formatlari qanday bo‘lishi mumkin?
SAVOL VA TOPSHIRIQLAR
AMALIY MASHG‘ULOT
1. Brauzer orqali 123apps.com saytiga kiring va audio yozish sahifasiga o‘ting.
2. Adabiyot darsida eng oxirgi yod olgan she’ringizni ifodali o‘qib, audiofaylga yozing.
3. Yozgan audiofaylingizni kompyuteringizdagi papkangizga saqlang.
4. “Windows Media Player” yordamida yod olgan she’ringiz yozilgan audioni eshitib ko‘ring.

---

IV BOB. 
AUDIO VA VIDEOFAYLLAR BILAN ISHLASH
122
Audiofaylni tahrirlash
– audioni o‘zgartirish jarayoni. Jarayon audiofaylning fragmentlar deb 
nomlangan qismlarini kesish, joylashtirish, o‘chirish va birlashtirishdan iborat. Shuningdek, 
tahrirlash ovoz effektlarini butun audioaxborot va uning qismlariga tatbiq etishni ham o‘z ichiga 
oladi.
Audiofayllarni tahrirlash uchun avvalgi mavzuda qaralgan audiomuharrir dasturlaridan foydalaniladi.