Valyuta kursları hám olardı úyreniwde tásir etiwshi faktorlar

Erkin konvertirlenetuǵın valyuta - bul, ámeldegi kurs boyınsha hár qanday basqa shet el valyuta erkin hám sheklenbegen muǵdarda almasatuǵın valyuta bolıp tabıladı. Buǵan mısal etip AQSh, Evropa jámiyetshiligine aǵza mámleketler, Yaponiyalar valyutaların kirgiziw múmkin.
Bólek konvertirlenetuǵın valyuta-bul,tek bazı shet el valyutalarǵa almastırılatuǵın hám xalıq aralıq tólew oborotın bólek óz ishine alatuǵın milliy valyuta bolıp tabıladı.
Konvertirlenbeytuǵın valyuta - bul, tek ǵana ishki tólewlerge xızmet etetuǵın hám shet el valyutaǵa almastırılmaytuǵın milliy valyuta bolıp tabıladı. Konvertirlewdi ishki hám sırtqı konvertirlewge de ajıratıw múmkin. Ishki konvertirlew rezidentlerdıń mámleket ishkerisinde shet el valyutanı satıp alıwı,onı saqlap turıwı hám ol menen ayırım operatsiyalardı aparıwın múmkinshiligin ayqın kórinedi. Sırtqı konvertirlewde shet elde tólewlerdi ámelge asırıwǵa hám finanslıq aktivlerdi ustap turıwǵa ruxsat etiledi. Valyutalardı konvertirlew kóplegen mámleketler alıp baratırǵan ekonomikalıq siyasatlardıń zárúrli maqseti esaplanadı.
2. Valyuta bazarın mámleket tárepinen tártipke salıw usılları.
Bazardaǵı talap hám usınıs tásiri nátiyjesinde waqıtı -waqıtı menen valyuta kursları ózgerip turadı. Mámleket valyuta kursların barqararlastırıw ushın valyuta bazarınıń ámel etiwine tikkeley yamasa tikkeley bolmaǵan tartılıp ketiwi zárúr. Bunıń birqatar usılları ámeldegi:
1.Rezervlerden paydalanıw. Valyuta kurstı bekkemlewdiń kóbirek qollanılatuǵın usılı - rásmiy rezervler menen bazarda manipulyacıya qılıw esaplanadı. Óz-ózinen ayqın, valyuta rezervleri bólek mámleketler ıqtıyarındaǵı shet mámleketler valyutalarınıń rezervi bolıp tabıladı
2. Sawda siyasatı. Valyuta bazarına tásir kórsetiwdiń basqa ilajlarına sawda hám finanslıq aǵıslar ústinen tuwrıdan-tuwrı baqlawdı kirgiziw múmkin. Mısalı, AQSh dollarınıń jetispew sharayatında valyuta kursın tiyisli dárejede importtı sheklew esabına ustap turıw múmkin. Atap aytqanda import kólemi boj yamasa import kvotaların kirgiziw menen qısqarıwı múmkin. Basqa tárepten mámleket húkimeti eksport ushın milliy islep shıǵarıwshılarǵa subsidiya berip, sol arqalı shet el valyuta usınısın kóbeytiwi múmkin. Bul ilajlardan paydalanıwda payda bolatuǵın tiykarǵı mashqala sonnan ibarat, ol jáhán sawdası kólemin qısqartıradı, onıń quramın hám sawda baylanısların ózgertirip jiberedi, ekonomikalıq maqsetke muwapıqlıqtıń buzılıwına úlesin qosadı. Bunıń aqıbetlerin esapqa almaw múmkin emes.