Vaqt qadri Reja: Umr- insoniyatga berilgan bebaho nemat Vaqt hayot demakdir

Vaqt qadri
Reja:
1. Umr- insoniyatga berilgan bebaho nemat
2. Vaqt hayot demakdir
3. Vaqt qadriga yetaylik
1.Umr- insoniyatga berilgan eng bebaho nematdir. Alloh taollo inson zotini barcha mavjudotlardan aqlli, tafakkur balan va mukammal etib yaratdi. Inson hayotiga zarur bo`lgan barcha narsalarni, shu jumladan, uning umrini va vaqtini belgilab bergan. Inson umri bekorga berilmagan, uni behuda ishlar, bekorchilik, dangasalik va tanballik bilan o`tkazmasdan, balki foydali ishlar, elu-yurtga manfaat keltiradigan buyuk ishlarni amalga oshirishi lozim.
Inson umri cheklangan. U malum yillar, malum oylar, kunlar, soatlar, daqiqalardan iborat. Uni qanday o'tkazish esa, faqat o'zimizga bog'liq. Undagi g'alabalarimizdan ruhlanamiz, omadsizliklarimizdan xulosa qilamiz va yana yutuqlar sari intilamiz.
Shunday ekan, o`tayotgan har bir onimizning qadriga yetishimiz lozim, bo`lmasa vaqt hamisha tez fursatda, hamda behudaga o`tib `olganini payqamay qolamiz.

2.Vaqt hayot demakdir. O`tayotgan har daqiqa-yu soniya, soat, kun, inson umrining o`lchovidir. Vaqt shunday narsaki uni ertangi kunga g`amlab qo`yib bo`lmaydi. Alisher Navoiy bobomiz aytganidek “Umr gulshanining baxori” va “xayot shabistonining naxori” kechirayotgan yoshlik yillari zavq-shavqlari jushqinligidan kishi umr bahori va uning munavvar tongi juda tez o`tib ketganini payqamay ham qoladi.
Shuninig uchun, har birimiz o`zimizga berilgan vaqtdan unumli foydalanishimiz, bilim olish, hunar o`rganish, yaxshi ishlarga sarflash, halol kasb-kor kilish, ilm olish, farzandlarini kelajakda elu- yurtiga xizmat qiladigan, jamiyatga manfaat keltiradigan olim, fozil, hunarmand, tadbirkor, solih kishilar bo`lib voyaga yetishlarini ta’minlashga harakat qilish lozim. Ulug` ajdodlarimiz, buyuk olimlarimiz vaqtlariga juda qizganchiq bo`lishgan. Ular inson uchun berilgan vaqtni chegarali va qiymati yuqori ekanligini yahshi bilishgan va shunga amal qilishgan.

3. Vaqt bizga hayot davom etayotganini eslatib turuvchi muhim vositadir. Har bir inson hayoti esa uning tug'ilgan vaqtidan toki vafot etgunicha yashab o'tadigan vaqtidir. Eng yaxshi vaqt, hayotni foydali ishlar bilan o’tkazishdadir. Aqlsizlikning eng yomon ko'rinishi - vaqtni bekor o'tkazishdir. "Ikki narsa borki, ko'pchilik uning qadriga yetmaydi. Biri - sog'lik, ikkinchisi esa - bo'sh vaqt", deganlar Payg'ambarimiz.
Vaqt bu dardimizga malham bo’ladigan bepul da'vodir. Misol uchun agar kimdur kasal bo’lib qolsayu o’z vaqtida davolanmasa vaqtni o’tkazib yuborsa, dardiga da’vo topa olmasligi va hattoki hayotdan ko’z yumishi ham mumkin. Aksincha da’volanish choralarini o’z vaqtida ko’rganlar tez tuzalishlari va sihat salomatlikda uzoq umr ko’rishlari mumkin. Agar kimningdur boshiga musibat tushib tushkinlikka tushib qolsa ham “dardingga vaqt da’vo bo’ladi” deb ovutamiz. Kishi umrining hamma soatlarini, hattoki daqiqalarini foydali va sog'liqqa muvofiq mashg'ulotlar bilan to'ldirishi kerak, toki qayg'u-alam bosh suqadigan bo'sh joy qolmasin
Vaqt bu-daromad. Xalqimizda “Vaqting ketdi-naqding ketdi” degan hikmat bor. Darhaqiqat, Vaqtni pulga sotib olib bo’lmaydi yoki uni orqaga qaytarishning ham imkoni yo’q. Ba’zi insonlar qimmatbaho vaqtlarini behuda sarflaydilar ba’zi odamlar esa vaqtdan unumli foydalanadilar va har daqiqadan foyda ko’radilar.
Xulosa qilamizki, yuqorida aytilganidek -vaqt bu sog’lik, boylik hamda bebaho ne`mat ekan. Biz sarflagan pulimizni topishimiz mumkin, ammo yo’qotgan vaqtimizni qaytarib ololmaymiz. Har nafasimiz, har kunimiz uchun Allohga shukur qilib, uni qadriga yetaylik. Chunki bu vaqt barchamiz uchun omonatdir.