VƏRƏMLƏ MÜbariZƏ ÜZRƏ TƏDQİqat layiHƏLƏRİ QƏbul edir ləB və Proqram haqda XÜlasə

QLOBAL FOND AİDS, VƏRƏM VƏ MALYARİYA İLƏ MÜBARİZƏ

AR SƏHİYYƏ NAZİRLİYİ / ƏLAQƏLƏNDİRMƏ BÜROSU - LƏB
VƏRƏMLƏ MÜBARİZƏ ÜZRƏ TƏDQİQAT LAYİHƏLƏRİ QƏBUL EDİR

LƏB və Proqram haqda XÜLASƏ:

Layihənin Əlaqələndirmə Bürosu (LƏB) – Qlobal Fond tərəfindən maliyyələşdirilən “Azərbaycanda HİV/AİDS-ə qarşı cavab tədbirlərinin gücləndirilməsi” layihəsini icra etmək üçün Səhiyyə Nazirinin 29 oktyabr 2004-cü il tarixli, 136 saylı Əmri ilə yaradılmışdır. Hazırda LƏB Səhiyyə Nazirliyinin əsas resipiyenti olduğu və Qlobal Fondun maliyyələşdirdiyi HİV/AİDS, Vərəm və Malyariya ilə mübarizə üzrə üç layihənin icrasını və monitorinqini təşkil edir.

Azərbaycanda HİV/AİDS, Vərəm və Malyariya ilə mübarizə proqramının vərəm komponentinə dair fəaliyyəti oktyabr 2006-cı il tarixinə təsadüf edir. Məhz həmin il Azərbaycan Respublikası Səhiyyə Nazirliyinin nəzdində fəaliyyət göstərən Ölkə Əlaqələndirmə Komissiyası tərəfindən Qlobal Fondun 5-ci mərhələsi üçün təqdim olunan vərəmlə mübarizə üzrə təklifi qəbul edilmişdir. Bununla da “Milli Vərəmlə Mübarizə Proqramının idarə edilməsi və əlaqələndirilməsinin təkmilləşdirilməsi, İlk Tibbi Yardım xidmətinin vərəmlə mübarizəyə cəlb edilməsi, vərəmin dərmanlara qarşı davamlılığının öhdəsindən gəlinməsi və geniş əhali qrupları arasında yoluxma təhlükəsinin azaldılması vasitəsilə DOTS çərçivəsinin gücləndirilməsi və genişləndirilməsi” adlı layihənin icrasına start verildi.
Araşdırmanın məqsədi və əhatə etdiyi sahələr:

Araşdırmanın keçirilməsində əsas məqsəd Milli Vərəm Proqramının icrasına dəstək verməklə vərəmlə mübarizəyə yönəlmiş fəaliyyətlərin effektiv planlaşdırmasıdır. Buna nail olmağın vacib yollarından biri müvafiq sahədə araşdırma və ya sorğuların keçirilməsidir. Məhz belə araşdırma və ya sorğuların vasitəsilə mövcud sahədə görülmüş işləri qiymətləndirmək, ehtiyac və problemləri müəyyənləşdirmək, nəhayət onların həll üsullarını təyin etmək və fəaliyyət planı tərtib etmək mümkün olur.

Deyilənləri nəzərə alaraq LƏB-n araşdırmaq istədiyi sahələrə aşağıdakılar aiddir:

1. 
   Əmək miqrantları, məcburi köçkün və qaçqınlar arasında adi və rezistent, həmçinin Vərəm/HİV halının araşdırılması
   
2. 
   Rezistent vərəmin yaranmasına səbəb olan risk faktorlarının araşdırılması
   

Necə müraciət etməli:

Layihə təklifi təqdim etmək istəyən təşkilat və ekspertlər əlavədəki Müraciət Formasını tam və dəqiq dolduraraq aşağıdakı ünvana göndərməlidir.

Təkliflərin qəbulunun son tarixi saat 18:00 22 İyun 2009-cu ildir.

16 iyun tarixində saat 15:00-da LƏB-in ofisində məlumatlandırma və sual-cavab sessiyası keçiriləcəkdir.

Əlavə məlumat üçün LƏB-in Vərəm layihəsinin Koordinatoru Xuraman Həsənovaya müraciət etmək olar:

Ünvan: Tərlan Əliyarbəyov 3, Az1005 (Günay sığorta şirkəti yerləşən bina)

Tel/Faks: 498 20 32

E-poçt: [e-mail]