Conference committees conference chairs c
Yüklə 19,19 Mb. Pdf görüntüsü
|
- Bu səhifədəki naviqasiya:
- IV INTERNATIONAL SCIENTIFIC CONFERENCE OF YOUNG RESEARCHERS
|
XAÇMAZIN BƏZİ ORONİMLƏRİNİN LEKSİK-SEMANTİK XÜSUSİYYƏTLƏRİ Bəhram MƏMMƏDOV ADPU
behrammemmedov.@yahoo.com AZƏRBAYCAN
Onomastikaya dair elmi əsərlərdə oronimlər torpağın üst qatından relyef quruluşuna görə bir- birindən fərqlənən yerlərin adı kimi təsnif olunur. Buraya əsasən dağ, dərə, təpə, düz, yoxuş, eniş, meşə, qobu, örüş, sahə, qala, otlaq və s. yer adları aiddir Xaçmaz rayonu ərazisi düzəngah sahədə yerləşdiyi üçün burada dağ və ya dağ aşırımı yoxdur. Bununla yanaşı, rayonun bir çox kəndlərində oronimlərin digər növlərinə rast gəlirik. Xaçmaz rayonu və ətraf kəndlərin ərazisində rast gəldiyimiz oronimlərin sayı və növləri həddindən artıq çoxdur. Bu baxımdan rayon ərazisindən topladığımız oronimlərə aid nümunələri aşağıdakı qruplara ayıraraq sistemləş-dirməyi məqsədəuyğun hesab etdik:a) antroponim əsaslı oronimlər; b) etnonim əsaslı oronimlər; c) əlamət və keyfiyyətlə bağlı oronimlər; ç) fitonim əsaslı oronimlər; d) zoonim əsaslı oronimlər; e) dini sitayişlə bağlı oronimlər; ə) tarixi abidələrlə bağlı oronimlər. a) Antroponim əsaslı oronimlər: Antroponim əsaslı oronimlər, əsasən, şəxs adlarının qorunub saxlandığı dağ, dərə, təpə, düz, yoxuş, eniş, qobu, sahə, otlaq adlarını əhatə edir. Xaçmaz rayonunda dağ olmadığı üçün antroponim əsaslı dağ adına rast gəlmədik. Lakin rayonun ətraf kəndləri ərazisində
IV INTERNATIONAL SCIENTIFIC CONFERENCE OF YOUNG RESEARCHERS
942 Qafqaz University 29-30 April 2016, Baku, Azerbaijan şəxs adları ilə ifadə olunan dərə, təpə, düz, yoxuş, eniş, sahə, otlaq ərazilər kifayət qədərdir. Xanlıqoba kəndi ərazisində Hacı Məmmədalı örüşünü, Fərzalı yatağını, Əmcəkli Nənə pirini, Şıxının yeri, Əli
olar. Xaçmaz rayonunun digər kəndlərində də antroponim əsaslı oronimlərə rast gəlirik. Məsələn, Əhməddərə (Əhmədoba k.) Hacıqurban bağı (Hacıqurbanoba), Kərim düzü (Rəhimoba k.), Mahmudtəpə (Sayad k.), Mehralı qobusu (Mehrəliqışlaq k.) və s. Xaçmaz rayonunun onomastik mənzərəsini tədqiq etdikdə aydın olur ki, rayon ərazisində antroponim əsaslı oronimlər digər oronimlərə nisbətən çoxdur. Lakin rayon ərazisində rast gəlinən antroponim əsaslı oronimlərin hamısını dissertasiya həcmində qeydə almaq mümkün deyildir. b) Etnonim əsaslı oronimlər: Məlum olduğu kimi, Xaçmaz rayonu tarixən müxtəlif xalqların ayrı-ayrı tayfa birliklərinin bir yerdə yaşadığı ərazidir. Rayon ərazisində tarixən yaşamış tayfa birlikləri öz adlarını oronimlərdə qoruyub saxlamışdır. Belə oronimlərdən Şıxmıllar düzü (Xanlıqoba
mənşəli oronimləri nümunə göstərmək olar.Qeyd etmək lazımdır ki, etnooronimlər, əsasən, rayonda qeydə aldığımız etnooykonimlər ərazisində çoxluq təşkil edir.
adlandırılmasında fəal iştirak etmişlər. Rayonun onomastik mənzə-rəsinə diqqətlə nəzər saldıqda aydın olur ki, fitonimlər daha çox rayon ərazi-sindəki oronimlərin adlarında müşahidə olunur. Misal üçün, Xanlıqoba kəndi ərazisində Keçəllər yoncası otlaq sahəsi, Güllük otlaq sahəsi, Selablıq yerli əhalinin Silab adlandırdığı otun sıx olduğu ərazi, Yalğunluq, Bağırsaqlıq (Bağırsaq yerli sakinlərin məişət süpürgəsini hazırlamaq üçün ip əvəzinə istifadə etdikləri möhkəm, qırılmayan, uzun bitki növüdür – B.M.), Qaragiləlik, Darılıq, Süpürgəlik, Afurca tutları, Seyidi Selabı düzləri fitonim əsaslı oronimlərə nümunə ola bilər.Müşahidələr göstərir ki, rayonun hansı kəndinin ərazisində bir bitki növü çoxluq təşkil edirsə, həmin bitkinin adı həmin ərazidəki oronimlərdə sıx müşa-hidə olunur. Bu baxımdan Qalağan kəndində Heyvalıq, Zoğallıq adlı dərə adları, Qımılqışlaq kəndi ərazisində Əzgilli, Ərikli, İydəli oronimlərini misal göstərmək olar. ç) Zoonim əsaslı oronimlər: İstər ev heyvanları, istərsə də vəhşi heyvanlar hər zaman insanların diqqət mərkəzində olmuşdur. Xalqımızın qədim advermə ənənəsində öz dərin izlərini buraxan zoonimlər mikrotoponimlərdə, xüsusilə oronimlərin adlandırılmasında da müəyyən rol oynamışdır. Bu baxımdan Xaçmaz rayonu və onun ətraf kəndlərində müəyyən qədər zoonim əsaslı oronimlərə rast gəlirik. Tülkü dərəsi, İlanlı düz, Arıqıran təpəsi, Naxır yeri oronimlərini Canaxır kəndi ərazisində
bünövrəsini təşkil edən müqəddəs yerlər millətin mənəvi kimliyinin göstəricisidir. Yaşı minillərlə ölçülən, əsrlər öncə torpaqlarımızda yaşayan soydaşlarımızın bizə miras qoyduğu ziyarətgahları, ocaqları və pirləri araşdırmaq, maddi və mənəvi mədəniyyət tariximizi zəngin-ləşdirmək baxımından mühüm elmi əhəmiyyət kəsb edir. Açıq etiraf etmək lazımdır ki, onomastik tədqiqatlarla məşğul olan alimlərimiz coğrafi yer adlarını araşdırarkən dini sitayiş və dini rituallarla bağlı oronimlərin tədqiqinə səthi yanaşmış, ən yaxşı halda tədqiq etdikləri ərazidə bir neçə ziyarətgahın adını çəkməklə kifayətlənmişlər. Xaçmaz rayonu ərazisində yerləşən dini-sitayiş və dini rituallarla bağlı oronimləri müəyyənləşdirdikdə aydın olur ki, bu tip oronimlərin böyük əksə-riyyəti müqəddəs hesab olunan dini şəxsiyyətlərin adları ilə bağlıdır. Yalnız Xanlıqoba kəndi ərazisindəki Sarı pir (yerli əhali sarılıq xəstəliyinə tutulan xəstələrin bu pirdə şəfa tapacaqları qənaətindədir – B.M.) və Tel kəndi ərazisindəki
adı ilə bağlı deyil. Qeyd etmək lazımdır ki, pirlər, ziyarətgahlar, ocaqlar Azərbaycanın müxtəlif bölgələrində olduğu kimi, Xaçmaz rayonu ərazisində də müqəddəs yerlər sayılır və yerli əhali min illər boyu mifik düşüncə tərzini bu yerlərdə ifadə edir. e) Tarixi abidələrlə bağlı oronimlər: Dilçilik ədəbiyyatında, xüsusilə də onomastikaya dair elmi ədəbiyyatda oronimlərin belə bir bölgü altında qruplaş-dırılmasına təsadüf etmədik. Fikrimizcə, tarixi IV INTERNATIONAL SCIENTIFIC CONFERENCE OF YOUNG RESEARCHERS
943 Qafqaz University 29-30 April 2016, Baku, Azerbaijan abidələrin, o cümlədən memarlıq abidələrinin adlarının dəqiqləşdirilməsi, qruplaşdırılaraq tədqiq olunması həm tarixi faktların, həm də rayonun onomastik leksikasının öyrənilməsi baxımından əhəmiyyətlidir.Mədəniyyət və Turizm Nazirliyinin Xaşmaz Rayon Şöbəsinin məlumatına görə, Xaçmaz rayonu ərazisində 62 tarixi memarlıq abidəsi qeydə alınmışdır. Bu abidələrdən Sərkartəpə yaşayış yeri və Canaxır təpələri dünya əhəmiyyətli abidələr hesab olunur. N.Xudiyev Mədəniyyət və Turizm Nazirliyinin Xaşmaz Rayon Şöbəsinə əsasən Xaçmaz rayonu ərazisində aşağıdakı abidələri qeydə almışdır: 1. Təpəyatağı yaşayış yeri – ilk tunc dövrü – Xudat ş. 2. Molla Bürhan yaşayış yeri – ilk tunc dövrü, orta əsrlər – Molla Bürhan kəndi. 3. Çobantəpə kurqanı - ilk tunc dövrü, Xaçmaz-Xudat yolu, 15-ci km. 4. Sərkartəpə kurqanı - ilk tunc dövrü, Sərkərli kənd. Xaçmaz rayonu ərazisində yuxarıda qeyd olunan oronimlərlə yanaşı, Çaxçaxlı, Qmılqışlaq, Hülövlü kəndləri ərazilərindən tapılmış daş sənduqələr nekropallar, kurqan və s. tarixi abidələr rayonun qədim tarixindən və zəngin mədəniyyətindən xəbər verir.
V SİNİFDƏ DİL QAYDALARININ TƏDRİSİNDƏ QARŞIYA ÇIXAN PROBLEMLƏR VƏ ONLARIN HƏLLİ YOLLARI
Bakı Slavyan Universiteti
AZƏRBAYCAN
Məlumdur ki, şagirdin müəyyən bilik, savad əldə etməsi üçün onun təməli aşağı sinifdən etibarən qoyulmalıdır. İbtidai təhsil zamanı şagirdlər gələcək biliklər üçün hazırlıq mərhələsi keçirlər, qısa şəkildə məlumatlandırılırlar, V sinfə gəldikdə isə artıq müəyyən olunmuş dərsliklər əsasında sistemli şəkildə nəzəri qaydaları öyrənməyə, anlamağa çalışırlar. Lakin Kurikulum əsasında hazırlanmış yeni dərsliklərə nəzər saldıqda müşahidə edirik ki, dərslikdə dil qaydaları ya şagirdi düzgün yönləndirmir, ya qayda V sinif şagirdinin anlayacağı şəkildə izah edilmir, ya qaydaların ardıcıllığında bir nizamsızlıq olur, ya da dil qaydaları ilə verilmiş tapşırıqlar arasında uyğunsuzluq olur. Hətta həmin yanlış məqamlar üzərində saatlarca diskussiya aparmaq olar. Bunlar hansılardır və həmin yanlış məqamlar necə düzəldilməlidir? 1. Səh. 12. Saitlər verilib, hansının qalın və ya incə, hansının qapalı və ya açıq, hansının dodaqlanan və ya dodaqlanmayan olduğu qeyd olunub, lakin saitlərin bu cür bölgüsü hansı təsnifə əsasən bölünür, qeyd olunmayıb. 2. Səh. 14. “Samitlərin növləri” başlığı altında verilən nəzəri qaydada “k” hərfinin üç səsi ifadə etdiyi yazılıb ([k], [k’], [x]), ancaq “k” hərfinin beş səsi ifadə etdiyi yazılmalı idi ([k], [x], [k’], [g], [y]).
3. Səh. 22. Uzunsaitli sözlərdən bəhs edərkən qeyd edilə bilərdi ki, “ü, ı” saitləri tələffüz zamanı uzanmır, digər saitlər isə uzun tələffüz olunur. Tərkibində “ov, öv” hərf birləşmələri olan bir çox sözlərin tələffüzü zamanı “v” samiti düşür, “o,ö” saitləri isə uzun tələffüz olunur. Məsələn, dovğa [do:ğa], dovşan [do:şan], yovşan [yo:şan] və s. Bəzi istisna sözlər də var ki, onlarda “v” samitinin düşmə hadisəsinə rast gəlinmir. Məsələn, mövsüm, plov, zövq, dövran, mövzu, mövqe və s. 5. Səh. 29. “Söz sonunda cingiltili samitlərin tələffüzü”ndən danışılır və qaydada belə deyilir: Söz sonunda bəzi cingiltili samitlər öz kar qarşılığı ilə əvəz olunur. Lakin bu fikri daha dəqiq ifadə edə bilərik: Sonu “b, c, d, g” samitləri ilə bitən sözlərdə son samit tələffüzdə karlaşır. Məsələn: corab [corap], səhəng [səhənk], kərpic [kərpiç], kənd [kənt] və s. 6. Səh. 39. Qoşasamitli sözlərdən danışılır, qaydaya əlavə oluna bilərdi ki, həmin qoşasamitli sözlərdən bəziləri mürəkkəb sözün tərkibində ya qoşa, ya da tək samitlə yazılır. Məsələn, hiss- həyəcan, haqq-nahaq, rəsmxət, hüsnxət və s. 7. Səh. 42. Qoşasamitli sözlər haqqında deyilənlər burada bitir, lakin tələffüzündə heç bir dəyişiklik olmayan qoşasamitlərdən (ll, dd, mm, nn, vv, zz, ss, şş, bb, cc) danışılmır. “m” kimi yazılıb IV INTERNATIONAL SCIENTIFIC CONFERENCE OF YOUNG RESEARCHERS
944 Qafqaz University 29-30 April 2016, Baku, Azerbaijan [m] kimi də tələffüz olunan sözlər (pambıq, lampa); qoşa “yy”nın tələffüz formaları: y ilə yazılıb, [y] kimi də tələffüz olunanlar (tövsiyə, təhkiyə, tərbiyə, mərsiyə), “yy” yazılıb, [yy] kimi təəffüz olunanlar (qəyyum, səyyah, Xəyyam), “yy” yazılıb, [y] kimi tələffüz olunanlar (ədəbiyyat ədəbiyat, bələdiyyə bələdiyə, mədəniyyət mədəniyət) qeyd olunmur. 8. Səh 58. Təkmənalı sözlər geniş mövzu olmasa da, məlumat verilə bilərdi. Çoxmənalı sözlərin tərifi isə tam, əhatəli, başa düşülür şəkildə deyil. Qaydaya düzəliş edib belə deyə bilərik ki, çoxmənalı sözlər əsas məna ilə bağlı olub, əlavə, törəmə mənalarda işlənə bilən sözlərə deyilir. Yəni, hər hansı bir söz nə qədər yeni məna qazansa da, ilk mənasından tam uzaqlaşmır, onun ətrafında dolanır və yeni məcazi mənalar yaradır. 9. Səh. 61. Omonimlərdən bəhs olunur, bəs nələr omonim ola bilməz? -sualının cavabı isə yoxdur. Deyilməlidir: vurğu fərqi olan sözlər, ümumi və xüsusi isim olan sözlər, şəkilçi artırıldıqdan sonra eyniləşən sözlər omonim sayıla bilməz. Bu qeyd olunanlardan əlavə, dərslikdə fonetika üçün ən əsas sayılan mövzulardan olan heca, vurğu, fonetik təhlil qaydası, qoşasaitli sözlərin tələffüzü; leksika üçün əsas sayılan təkmənalı sözlər, ümumişlək olan və olmayan sözlər, dialekt sözlər, neologizmlər, milli və alınma sözlər haqqında heç bir məlumat yoxdur.
AMEA Nəsimi adına Dilçilik İnstitutu vefa.abdulla@mail.ru AZƏRBAYCAN
Terminologiyanın inkişafı, termin yaradıcılığı, elm və texnikanın, informatika, kompüter texnologiyalarının sürətli tərəqqisi ilə bilavasitə əlaqədardır. Bazar iqtisadiyyatına keçid, intellektual fəaliyyət sahələrinin yaranması və çoxalması, videotexnika, kompüter texnikasının inkişafı, internetin geniş vüsət alması, sosial-psixoloji inkişaf yeni anlayış, məfhum, söz və terminlərin yaranmasına səbəb oldu. Bu anlayışların adlandırılması zərurəti dildə terminologiyanın müxtəlif istiqamətlər üzrə inkişafını zəruri edir. Müasir Azərbaycan dili terminologiyası müxtəlif istiqamətlərdə inkişaf edir. Ümumi götürdükdə, bu istiqamətlər dilin daxili imkanları və alınmalar olmaqla iki yerə bölünür. İstər dilin daxili imkanları hesabına, istərsə də alınmalar hesabına olan termin yaradıcılığı prosesi müəyyən norma və qaydalar əsasında tənzimlənməlidir. Belə ki, termin yaradıcılığı prosesində sözün mənası ilə onun forması arasındakı əlaqə diqqət yetirilməli məqamlardandır. Sözün mənası və forması arasındakı əlaqə ənənəvi motivasiya, motivləşdirmə, motivləşdirilmiş terminləri ilə ifadə olunur. Bəs, motivləşdirilmə və motivləşdirilmiş terminləri arasında fərq nədir? Motivasiya- yaranmış sözün daxili məzmununu və eləcə də sözün daxili formasının izlərini və həmçinin vahidin komponentlərinin mənalarının cəmidir.(V.Q.Qak, V.N.Teliya, E.S. Kubryakova) V.N.Nemçenko motivləşdirilmiş sözü yaranmış (düzəlmiş) söz kimi müəyyən edir. Ancaq motivasiya düzəltmə sözlərin yaranma prosesi ilə birbaş əlaqəli olmayan proses kimi izah olunur: verilmiş sözün başqa mənası və s. Beləliklə, motivasiyanın söz yaradıcılığı və leksikologiya ilə əlaqəli olması ortaya çıxır. Sözün leksik-semantik mənası onun rasional ünsiyyət vasitəsi kimi səs tərkibi ilə leksik və struktur uyğunlaşmasına imkan verir. Motivləşdirilmiş söz-daxili məzmuna və mənaya malik olan sözdür. Q.İ.Blinov “motivasiya” dedikdə sözün məna və struktur baxımından işlənilən uyğunlaşmasını nəzərdə tutur. Həmçinin o, motivasiyanı sözün definitiv formasına yaxın hesab edir. Müasir dövrdə terminologiyanın inkişafında termin söz və məna arasında əlaqə aktual məsələlərdən hesab olunur. XX və XXI əsrlərdə xaricdə sürətlə inkişaf edən bu nəzəriyyə termin yaradıcılığında terminin siqnifikat və eksponent anlayış əlaqələrinin araşdırılması kimi qəbul olunurdu. Bu müvafiq olaraq ifadə və anlayışlara istinadən olunurdu. S.V.Qrinev kimi digər rus terminoloqlarının da əsərlərində bu problem araşdırılmışdır. Əgər terminoloji leksikanın inkişaf istiqamətləri sözyaratma (termin yaratma) ilə kifayətlənərsə bu zaman
IV INTERNATIONAL SCIENTIFIC CONFERENCE OF YOUNG RESEARCHERS
945 Qafqaz University 29-30 April 2016, Baku, Azerbaijan leksik imkanlar əsasında (semasiologiya) termin yaradıcılığı, eyni zamanda sözün tərkibi elementləri əsasında məna bildirən terminlər bu sərhəd hüdudundan kənarda qalacaq. Əslində eksponent və siqnifikat arasında əlaqələrin mövcud olub olmamasının araşdırılması ifadənin hərfi və faktiki mənası qədər vacibdir. Təkcə derivatoloji prosesin yaranma əlaqələri deyil, eyni dərəcədə terminoloji vahidin struktur, eksponent və anlayışı arasındakı əlaqələnmə də əsas sayılmalıdır. Hal-hazırkı dövrdə motivləşmənin terminoloji analiz üçün yararlı hesab olunması fikri qəbul olunmur. Motivləşmiş termin analiz olunmuş termindir. Amma bizcə bu fərziyyə yanlışdır. Belə ki, sözün hərfi mənası heç də həmişə onun daxili mənasının semantikasını izah etmək, aydınlaşdırmaq və tam açmaq üçün kifayət etmir. Halbuki dilçilikdə motivləşmə-sözün semantik cəhətdən aydınlaşması, dəqiqləşməsi deməkdir. Hansı ki, analiz olunmuş söz də dəqiqləşmiş, aydınlaşmış söz mənasını verir. Orientasiya-qavrama, qayrayış, istiqamətlənmə deməkdir. Terminoloji leksikanın araşdırılmasında əsas vasitələrdən biri də orientasiya-qavrama prosesidir. Orientasiya termini linqvistik, psixi, sosial faktorlara əsaslanan haldır hansı ki, bu hal heç bir definitiv mənaya istinad olunmadan qavranılma prosesi kimi izah olunur. İlk dəfə bu haqda D.S.Lottenin yazılarında rast gəlirik. Ancaq dilçi alim bu halı “orientasiya” deyil, “qavranılmış” adı ilə qeyd edib: “Terminin hərfi mənasının onun həqiqi mənasından asılı olub-olmamasına görə bütün terminlər 3 qrupa bölünür: düzgün qavranılan, neytral və düzgün qavranılmamış (və ya səhv qavranılmış). Daha sonra M.Q.Berqer bu anlayışı “möhkəmləndirmək” sözü ilə ifadə edir ki, bu da terminin aktual mənası ilə daxili formasının uyğunlaşması anlamını ifadə edir. “Orientasiya” termininə A.V.Lemovanın əsərlərində rast gəlirik. Əslində motivləşmə və qavranılma, orientasiya prosesləri bir-birləri ilə əlaqəlidirlər və oxşar cəhətləri vardır. Bütün terminlər dar mənada motivləşmiş olurlar. Bütün terminlər yarandıqları an orientasiya olunurlar və qavranılan olurlar. Belə ki, hər bir yeni yaranan terminin yeni nominativ mənası da yaranır. Belə ki, bir dilçi üçün aydın olan metafora, epitet anlayışları fizik və ya digər sahədə çalışan şəxs üçün izah və analiz tələb edəcək. Motivləşmə və orientasiya təkcə dildaxili imkanlar əsasında yaranan termin sözləri və alınmaları deyil, eyni zamanda kalka və yarım kalkaları da əhatə edir. Motivləşmə və orientasiya təkcə terminin qavranılma və anlaşıqlı olması üçün deyil, həmçinin onun dildə işləkliyi və daimiliyi, sözyaradıcılığı prosesində iştirakı üçün də zəmin yaradır. Bunu belə izah edək: -poli, -mono terminelementləri terminalma prosesində motivləşdikləri və orientasiya olunduqları üçün sonradan dildə monosemiya, polisemiya, monoloq, poliqlot tipli alınan sözlərin qavranılma prosesində heç bir çətinlik yaranmamışdır. Fərqli cəhətlər: motivasiya dilin sərhədləri daxilində baş verən prosesidirsə, orientasiya dilin sərhədlərindən kənarda dil ilə psixologiya, sosiologiya, məntiq, incəsənət və s. elmlərin əlaqələri zəminində baş verir. Orientasiya motivləşməyə nisbətən daha geniş prosesdir və heç də ondan asılı deyil, məsələn: lingvo sözünün mənasını bilərək linqvistika sözünün izahı və şərh olmadan belə anlayıb, qavraya bilərik. Motivləşmə təkcə terminlərə deyil, dildəki bütün sözlərə şamil olunan prosesdir, ancaq bu o demək deyil ki, dildəki bütün sözlər motivləşir. Orientasiya yalnız terminoloji səviyyə üçün xarakterik prosesdir. Nəticə etibarilə motivləşmə və orientasiya proseslərin şərh edərək belə qənaətə gəlirik ki, orientasiya terminoloji leksikanın inkişafı prosesinin araşdırılması üçün daha optimal hesab edilməlidir. Özündə morfem tərkibi, struktur, forma və məna əlaqəsi, həmçinin dil ilə digər elmi-sahələrin psixolinqvistik, sosiolinqvistik, praqmatik sahələrin qarşılıqlı vəhdətini təşkil edən bu proses terminologiya məsələlərini daha kompleks şəkildə öyrənməyə imkan verir. Beləliklə, aydın olur ki, müasir Azərbaycan dilində terminoloji leksikanın inkişafında bu üsullardan istifadə etmək məqsədəuyğundur. Əslində, terminologiyada alınmalar dilin kasıblığına dəlalət etmir, belə ki, heç bir dil saf və bütünlüklə öz sözlərindən ibarət deyildir. Leksikada alınma sözlər semantik cəhətdən onlara yaxın sözlərin bir və ya bir neçə mənasını öz üzərinə götürür. Aydın olur ki, sözalma yalnız dildə boş olan semantik söz yuvalarının tutulması ilə nəticələnmir, bəzən müəyyən sözün yeni variantı, bəzən isə terminoloji vahid kimi funksionallaşır.
IV INTERNATIONAL SCIENTIFIC CONFERENCE OF YOUNG RESEARCHERS
946 Qafqaz University 29-30 April 2016, Baku, Azerbaijan Yüklə 19,19 Mb. Dostları ilə paylaş:
|