Mavzu 15 Technika sohasidagi tadqiqotlar axborot resurslari

Ilmiy- yordamchi bibliografik qo‘llanmalar.
Mamlakatda iqtisodiy va ijtimoiy muammolarni hal etish uchun juda katta axborotlashgan ta’minot zarur bo‘ladi, bunda bir-birini to‘ldirib boruvchi, o‘zida mustaqil bibliografik nashrlar (bibliografik ko‘rsatkichlar, ma’lumotnomalar, sharxlar)dan tashqari nodavriy, davriy va davomli ilmiy nashrlarni ham birlashtiruvchi retrospektiv qo‘llanmalar yig‘indisidan tashkil topgan ilmiy-yordamchi bibliografiyalar zarur. Ilmiy-yordamchi bibliografiyalar ilmiy-tadqiqot ishiga yordam berish maqsadida tayyorlanadi. U olimlarga, oliy o‘quv yurtlari o‘qituvchilariga, ilmiy tashkilot va muassasalarning rahbarlariga, soha mutaxassislari va talabalarga mo‘ljallanadi.
Ilmiy-yordamchi bibliografiyalarga mamlakatimiz va xorijiy mamlakatlardan tanlangan mavzu bo‘yicha nashr etilgan asarlar olinadi. Unga kitoblar, gazeta-jurnal maqolalari, to‘plamlardagi maqolalar, standartlar, nizomlar, patentlar, dissertatsiyalar, hisobot va boshqa materiallar kiritiladi. Materiallarni qamrab olishning to‘laligi turlicha: ayrim bibliografiyalarda axborot iloji boricha to‘la keltiriladi, boshqasida tanlangan holda olinadi. Hozirgi kunda Respublikamiz hayotidagi o‘zgarishlar, Prezidentimiz asarlari bilan qiziquvchi kitobxonlarga mo‘ljallangan «O‘zbekiston bozor munosabatlariga o‘tishning o‘ziga xos yo‘li» ko‘rsatkich ham alohida ahamiyatga ega. Ko‘rsatkichda besh bo‘lim mavjud. Bu bo‘limlarda risolani o‘rganish uchun tavsiyanoma, O‘zbekiston Respublikasi Prezidentining xorijga rasmiy tashriflari va safarlari hamda chet mamlakatlar Davlat boshliqlari va rasmiy delegatsiyalarining O‘zbekiston respublikasiga tashriflari vaqtida qabul qilingan shartnomalar, bitimlar, protokollar, memorandumlar, axborotlar, dekloratsiyalar ro‘yxati, O‘zbekiston Respublikasi Prezidenti I.A.Karimovning asarlari, nutqlari, maqolalari, fikrmulohazalari, rasmiy uchrashuvlari aks ettirilgan. 49 Bo‘limlar ichida materiallar alifbo tarzida joylashtirilgan. O‘zbekiston Respublikasi prezidenti I.A.Karimovning risolalari, ilmiy ma’ruzalari, nutqlari, chiqishlari o‘zbek xalqini yetuklikka va nurli istiqbolga chaqirmoqda. Shu bois barcha kutubxonalar bu asarlarni, ilmiy ma’ruzalarni keng kitobxonlar ommasiga ma’lum qilib, bu asarlarni o‘rganishga yordam berishlari zarur. Keyingi paytda mustaqillik sharofati bilan Ulug‘ Vatanimizda ma’naviy an’analarimiz tiklanmoqda va rivojlanmoqda. Ajdodlarimiz yaratgan ma’naviyat durdonalarini xalqimizga har tomonlama yoritib berish va bahramand qilish vaqti yetib keldi. Ota-bobomizga munosib ishlar qilish uchun biz o‘tmishni yaxshilab o‘rganishimiz kerak. Buyuk allomalarimiz: Abu Nasr al-Forobiy, Abu Ali Ibn Sino, A.Navoiy, Xoja Axmad Yassaviy kabi siymolarning xayoti va ijodi bizga hamisha madadkordir. Yukorida aytib o‘tganimizdek bu shaxslarga bag‘ishlab bir kancha metodik tavsiyanomalar tuzildi. Shulardan biri A.Navoiy nomli respublika milliy kutubxonasida tuzilgan «Xoja Axmad Yassaviy ulug‘ bobomiz» ko‘rsatkichidir. Axmad Yassaviy turkiy xalqlarning madaniyatiga, tarixiga, adabiyotiga va ma’naviy olamiga katta hissa qo‘shgan buyuk allomalarimizdandir. Mazkur ko‘rsatkichni tayyorlashda tanikli olimlar, yozuvchilar, adabiyotshunoslarning asarlaridan va ilmiy izlanishlaridan foydalanildi. Ko‘rsatkichda «Xoja Axmad Yassaviy» bo‘limi bo‘lib, alloma haqida imkoni boricha to‘liq ma’lumotlar berilgan. O‘zbek va rus tillaridagi adabiyotlar ro‘yxati hamda Yassaviyshunoslikka hissa qo‘shgan olimlar, yozuvchilar, adabiyotshunoslarning ismlar ko‘rsatkichi berilgan. «Xoja Axmad Yassaviy-ulug‘ bobomiz» nomli mazkur ko‘rsatkich kutubxonachi mutaxassislarga va keng kitobxonlar ommasiga mo‘ljallangan.