Qаz хiDMƏTİ İŞÇİSİNİn sоrğu kitаbi

Fəsil XVI. Qazın alqı-satqısı. 
Təbii qazın alqı-satqısında normativ sənədlər 
Təbii qaz təchizatı üzrə qaz paylayıcısı və istehlakçı arasında 
onların vəzifə, öhdəlik və məsuliyətləri “Elektroenergetika haqqında” 
Azərbaycan Respublikasının Qanununa, “Qaz təchizatı haqqında” 
Azərbaycan Respublikasının Qanununa və “Su təchizatı və tullantı 
suları haqqında” Azərbaycan Respublikasının Qanununa əlavələr və 
dəyişikliklər edilməsi barədə” Azərbaycan Respublikası Qanununun 
tətbiq edilməsi haqqında” Azərbaycan Respublikası Prezidentinin 
2009-cu il 30 oktyabr tarixli 168 nömrəli Fərmanının 1.3-cü bəndinin 
icrasını təmin etmək məqsədi ilə Azərbaycan Respublikasının Nazirlər 
Kabinetinin 12 may 2011-ci il tarixli, 80 nömrəli Qərarı ilə təsdiq 
edilmiş “Qazdan istifadə Qaydaları” ilə tənzimlənir və qaz paylayıcısı 
tərəfindən istehlakçının qazla təchiz edilməsi qazın alqı-satqı 
müqaviləsinə əsasən həyata keçirilir. Bu müqavilə tərəflər üçün hüquqi 
sənəddir. Həmin müqaviləyə əlavə olaraq qaz paylayıcısı ilə istehlakçı 
arasında qazpaylayıcı şəbəkənin balans mənsubiyyəti sərhədini 
müəyyən edən akt tərtib olunur. Aktın nümunəsi “Qazdan istifadə 
Qaydaları”nda göstərilmişdir. Tərəflər arasında bağlanılan qazın alqı-
satqı müqaviləsində “Qazdan istifadə Qaydaları”na əsasən 
müəyyənləşdirilən qaz paylayıcısı ilə istehlakçının vəzifələri və 
hüquqları, istehlakçılara verilən qazın keyfiyyəti (təzyiq və təchizatın 
etibarlığı), həcmi, dəyərinin ödəmə şərtləri və digər məsələlər 
göstərilir. Qazın alqı-satqı müqaviləsi “Qazdan istifadə Qaydaları”nda 
göstərilmiş formaya uyğun bağlanılmalıdır.
Fiziki şəxs sənaye qurğularından istifadə etdiyi halda, onunla 
“Qazdan istifadə Qaydaları”nın 3 nömrəli əlavəsinə uyğun müqavilə 
bağlanılır. Hüquqi şəxs və ya sahibkarlıq fəaliyyəti ilə məşğul olan 
fiziki şəxs məişət qurğularından istifadə etdiyi halda, onunla müvafiq 
müqavilə bağlanılır, bağlanılmış müqavilədə sənaye qurğularına aid 
bəndlərin müqavilə tərəflərinə şamil edilmədiyi barədə qeyd olunur. 
İstehlakçıya tələb olunan qazın həcmi onun istismar edəcəyi qaz 
qurğularının texniki pasport göstəricilərində maksimal saatlıq qaz 
sərfinə uyğun olaraq müəyyən edilir. Sənaye qurğusu olan istehlakçı 
qazın alqı-satqı müqaviləsində göstərilən həcmi artırmaq və ya 
azaltmaq istədikdə o, bu barədə qaz paylayıcısına yazılı müraciət 
etməlidir. İstehlakçıya satılan qazın keyfiyyət göstəriciləri - tərkibi, 

---

275 
sıxlığı, rütubətliliyi, istilik yaratmaq qabiliyyəti və digər göstəriciləri 
qüvvədə olan dövlət standartlarının tələblərinə cavab verməlidir. 
Sənaye qurğusu olan istehlakçının qazın alqı-satqı müqaviləsində 
göstərilən həcmi artırmaq və ya azaltmaq haqqında müraciətinə qaz 
paylayıcısı 10 iş günü müddətində baxıb, əsaslandırılmış qərar qəbul 
edir və onu məlumatlandırır.