X. K. Aripov, A. M. Abdullaev, N. B. Alimova

Nazorat savollari

1. 
   Integral mikrosxema (IMS) nima ?
   
2. 
   IMS asosiy xususiyati nimada ?
   
3. 
   IMS elementi va komponentasi deb nimaga aytiladi ?
   
4. 
   Pardali, gibrid va yarim o‘tkazgichli IMSlarning bir – biridan farqi nimada?
   
5. 
   Nima sababli tranzistorli tuzilma turli IMS elementlari yasashda asosiy hisoblanadi ?
   
6. 
   Integral mikrosxema elementlarini izolyatsiyasi qanday amalga oshiriladi ?
   
7. 
   Planar va planar – epitaksial texnologiyada yasalgan tranzistorlar bir – biridan nimasi bilan farq qiladi ?
   
8. 
   Raqamli va analog IMSlarning murakkablik darajasi (integratsiya darajasi) qanday aniqlanadi ?
   
9. 
   Analog IMSlarda qanday signallar qayta ishlanadi ? Raqamlidachi?
   

VIII BOB. KUChAYTIRGICh QURILMALARI
SXEMOTEXNIKASI
════════════════════════════════════════════


8.1. Kuchaytirgich parametrlari va xarakteristikalari

O‘zgarmas tok kuchaytirgichlari, keng polosali va tanlov kuchaytirgichlari analog mikroelektron apparatura negiz elementlari hisoblanadi.

Kuchaytirgich deb kirish signali quvvatini kuchaytirishga mo‘ljallagan qurilmaga aytiladi. Kuchaytirish manbadan energiya iste’mol qilayotgan tranzistorlar hisobiga amalga oshiriladi. Ixtiyoriy kuchaytirgichda kirish signali faqat manbadan energiyani yuklamaga uzatishni boshqaradi.
Kuchaytirgich xossalarini ifodalash maqsadida kuchlanish bo‘yicha , tok bo‘yicha yoki quvvat bo‘yicha kuchaytirish koeffitsientlari qo‘llaniladi. Kuchaytirgichlar turli kuchaytirish koeffitsienti qiymatlariga ega bo‘lishi mumkin, lekin doim bo‘ladi.
Kuchlanish bo‘yicha kuchaytirish koeffitsienti desibellarda (dB) ga teng. Agar ko‘p bosqichli kuchaytirgichning kuchaytirish koeffitsienti desibellarda ifodalansa, u holda ko‘p bosqichli kuchaytirgichning umumiy kuchaytirish bosqich kuchaytirish koeffitsientlari yig‘indisiga teng bo‘ladi.

KU, dB	0	1	2	3	10	20	40	60	80
KU	1	1,12	1,26	1,41	3,16	10	10^2	10^3	10^4

Kuchaytirgich o‘zining kirish va chiqish qarshiliklari bilan, kirish signali manbai – EYuK Yeg esa ichki qarshilik bilan xarakterlanadi.

Agar kuchaytirgichda  bo‘lsa, kuchaytirgich kirishidagi signal manbai Ye_G ga yaqin kuchlanish yuzaga keltiradi. Bunday rejim potensial kirish deb, kuchaytirgichning o‘zi esa kuchlanish kuchaytirgichi deb ataladi.
Agar << bo‘lsa, chiqish kuchlanishi va signal manbai quvvati juda kichik. Bunday rejim tok kirishi, kuchaytirgichning o‘zi esa tok kuchaytirgichi deb ataladi.