Xirurgik kasalliklar

To’g’i  ichak  saratonining  tarqalishi.  To’g’ri  ichak  saratoni  shilliq 

qavatda  ro’y  berib,  ichak  bo’shlig’i  va  ichak  devoriga  o’sib  kiradi.  O’sma 

keyinchalik ichak tashqarisiga chiqib, yondosh to’qima va a’zolarni zararlaydi. 

To’g’ri  ichak  saratoni  metastazi  limfogen  (regionar  va  uzoq  limfa 

tugunlariga)  va  gematogen  yo’l  bilan  (asosan  jigarga)  boshqa  a’zolarga 

tarqaladi. 

Klinik  kechishi.  To’g’ri  ichak  saratoni  asta  sekinlik  bilan  boshlanadi. 

Bemorlar og’riqqa, ichakdan patologik ajralma kelishiga (qon, yiring, shilliq) va 

ichak  funktsiyasining  buzilishiga  shikoyat  qiladilar.  Belgilarning  yaqqolligi 

---

 

413 

kasallikning  darajasiga,  o’smaning  o’sish  va  tarqalish  xolatiga  va  uning 

lokalizatsiyasiga bog’liq.  

Kasallik  boshlanishida  og’riq  kuzatilmaydi,  u  faqat  anal  teshigi  saratonida 

erta davrda kuzatiladi. Ampulyar soha saratonida belgilar kam namoyon bo’lib, 

erta  simptomlaridan  najas  bilan  patologik  ajralma  ajralishi  hisoblanadi.  O’sma 

kattalashgan  sari  ichak  tutilishi  belgilari  namoyon  bo’ladi.  Og’riq  o’smaning 

ichak  devorining  barcha  qavatlaridan  o’sib  o’tganda  paydo  bo’ladi.  O’smaning 

siydik  qopiga  o’sib  kirishi  natijasida  siyishga  tez-tez  chaqiriqlar  bo’lib  turadi. 

O’smaning  najas  bilan  ta’sirlanishi  va  jarohatlanishi  undan  qon  ketishiga  olib 

keladi.  Qon  ko’pincha  to’q  qizil,  kam  xolatlarda  alvon  rangida  bo’ladi.  Xojat 

vaqtida  avval  ozgina  qon  keladi,  keyin  esa  qon  aralash  najas  chiqadi.  To’g’ri 

ichak  saratonida  profuz  qon  ketishlar  odatda  kuzatilmaydi,  lekin  ma’lum  bir 

vaqt  o’tgandan  so’ng  kamqonlik  yuzaga  keladi.  Rektosigmoid  soha  saratonida 

kasallik  belgilari  kuchayib  boruvchi  qabziyat,  keyin  esa  ichak  tutilishi 

ko’rinishida bo’ladi. 

Kasallikning  umumiy  belgilariga  anemiya,  umumiy  xolsizlik,  ozib  ketish, 

gipertermiya xos bo’lib, ular kasallikning kechki muddatlarida yuzaga keladi. 

Anal  sohasi  saratonida  metastazlarning  chov  lifa  tugunlariga  tarqalishini 

ob’ektiv ko’ruv vaqtida inobatga olish zarur.