Vaqflardan olingan soliqlar Samarqand shahrining yangi qismini qurish uchun sarflangan.
Madrasada faoliyat ko‘rsatgan mudarris, mutavalli va talabalar ma'lum miqdorda maosh olgan.
Mutavvalilar vaqf daromadidan 1/10 qismini maosh sifatida olishgan.
Sherdor madrasasi mutavvalisi 430 rubl (viloyatda eng ko‘pi), Samarqand shahridagi Xalifa Xasan madrasasi mutavviliysi 1 rubl (viloyatda eng kam) maosh olgan bo‘lib, viloyatdagi 21 ta madrasa mutavallisi maosh olmagan.
Demak bu davrdagi madrasa rektorlaridan 21 tasi maosh olmagan. Eng ko‘pi 1.800.000-2.000.000 atrofida bir oyda, eng kami bir yilda 55000 so‘m hozirgi pulda kafolatlangan maosh olishgan Ushbu davrda rus ta'lim muassasalari boshqaruvchilari bulardan bir necha barobar ko‘p maosh olishganligi ma'lum.
Mudarrislarning eng ko‘pi 645 rubl (Sherdor madrasasida), eng kami 9 rubl' (Xo‘jand uezdi Boboxo‘ja mozori qoshidagi madrasasida) maosh hisobiga ishlaganligi qayd etiladi.
Viloyatdagi 20 dan ortiq madrasa mudarrisi maosh olmagan. Maoshsiz dars o‘tgan o‘qituvchining dars sifati ham ushbu madrasa faoliyati ham albatta qoniqarsiz bo‘lgan. Ular asosan yuqorida aytganimizdek xomiylar va ehsonlar hisobidan kun kechirishgan.
34 ta madrasadagi 1228 ta talabaga dars bergan 43 ta mudarrislar 6650 rubl' maosh olgan, bu raqamlarni o‘rtacha olish qiyin, madrasalar vaqf daromadlari orasida farq ulkan bo‘lgan. Mudarrislar juda kam kafolatlangan maosh evaziga talabalarga tahsil bergan.
Eng yuqori darajadagi madrasa mudarrisi bir yilda hozirgi qiymatda taxminan 2.800.000-3.000.000 so‘m har oy maosh olgan. Eng kam maosh bir yilda 500.000 so‘m atrofida bo‘lgan .
