Xülasə Azərbaycanda əhalinin yüksəkkeyfiyyətli və sağlam ərzaq məhsulları ilə təmin edilməsi dövlət

 
Damazlıq quşçuluğa dövlət dəstəyinin genişləndirilməsi 
Əhalinin ərzaq məhsulları ilə etibarlı təminatında damazlıq quşçuluğun inkişaf etdirilməsi 
(damazlıq quşçuluq təsərrüfatlarının genişləndirilməsi, damazlıq materiallarının yetişdirilməsi və s.) xüsusi 
əhəmiyyət kəsb etdiyi üçün bu istiqamətdə dövlət tərəfindən müvafiq dəstək tədbirləri həyata keçirilmişdir: 
- 
Yerli quşçuluq müəssisələrinin ədalətsiz idxal şərtlərindən qorunması məqsədilə quş əti, ərzaq 
yumurtası və damazlıq yumurtanın idxalına tətbiq olunan gömrük rüsumları müvafiq olaraq quş 
ətinin 1 kiloqramı üçün 1 ABŞ dolları, ərzaq və damazlıq yumurtanın 1000 ədədi üçün 100 ABŞ 
dolları məbləğində müəyyən edilmişdir [1]; 
- 
Yerli quşçuluq müəssisələrinin istehsal xərclərinin azaldılması məqsədilə quşçuluq üçün 
avadanlıqların, həmçinin birgünlük damazlıq cücələrin idxalı gömrük rüsumundan azad edilmişdir 
[2; 3]; 
- 
Bundan əlavə, quş ətinin satışı, quşçuluq üçün avadanlıqların idxalı və satışı, quşçuluqda istifadə 
olunan baytarlıq preparatlarının idxalı əlavə dəyər vergisindən azad edilmişdir [5]; 
- 
Sahibkarlığın İnkişafı Fondu tərəfindən damazlıq yumurta istehsal edən 7 damazlıq quşçuluq 
təsərrüfatının qurulması üzrə investisiya layihələrinin güzəştli şərtlərlə maliyyələşdirilməsi həyata 
keçirilmişdir.
Göründüyü kimi, damazlıq quşçuluq daim dövlətin diqqət mərkəzində olmaqla sahənin inkişafı 
üçün lazımi tədbirlər həyata keçirilir. Lakin damazlıq sahəsində fəaliyyət göstərən yerli istehsalçıların 
problemləri və təklifləri, dünyada baş verən qlobal dəyişikliklər və yeni çağırışlar nəzərə alınmaqla fərdi 
sahibkarların stimullaşdırılması, quşçuluq sahəsində innovativ texnologiyaların daha çevikliklə tətbiq 
edilməsi, daxili bazarın qorunması və s. zəruri tədbirlərin həyata keçirilməsi üçün dövlət dəstəyinin daha 
da genişləndirilməsinə ehtiyac vardır. Bu istiqamətdə aşağıdakı tədbirlərin həyata keçirilməsi 
məqsədəmüvafiqdir: 

 
Maliyyə dəstəyi: 
 Xaricdən idxal edilən birgünlük cücələrin məhsula düşənə qədər yetişdirildiyi müddətdə 
sahibkarlara maliyyə dəstəyinin göstərilməsi; 
 Damazlıq fəaliyyəti ilə məşğul olmaq istəyən fərdi sahibkarların fəaliyyətinin stimullaşdırılması. 
Sığorta ilə bağlı dəstək: 
 Damazlıq quşçuluq subyektlərinin güzəştli sığorta proqramına daxil edilməsi. 

---

8 
 
Rüsumla bağlı dəstək: 
 Çəkisi 185 qramdan çox olmayan ana və əcdad cinsi xətti ilə çoxalan damazlıq cücələr üzrə 
gömrük rüsumundan azad olma müddətinin daha 3 il uzadılması; 
Dünya təcrübəsində olduğu kimi, Azərbaycanda da fərdi təsərrüfatlar damazlıq quş yetişdirilməsi 
ilə məşğul ola bilərlər. Artıq bu sahədə kiçik həcmli quşçuluq müəssisələri tərəfindən ilk addımlar 
atılmışdır.
İnkişaf etmiş ölkələrdə fərdi damazlıq təsərrüfatları genetik materialın seçilməsi, seleksiya-
damazlıq proqramlarının və yem rasionlarının hazırlanması və digər məsələlərdə ixtisaslaşmış konsaltinq 
(məsləhət) mərkəzlərinin xidmətindən istifadə edirlər, əks təqdirdə belə təsərrüfatların fəaliyyət göstərməsi 
qeyri-mümkündür, çünki onların elmi və maddi-texniki bazası məhduddur.
Bu sahədə dövlət tərəfindən müxtəlif stimullaşdırıcı tədbirlərin həyata keçirilməsi yerli 
istehsalçılarda damazlıq sahəsinə marağın artmasına, ölkədə quş əti və ət məhsulları, həmçinin yumurta 
istehsalının həcminin yüksəlməsinə, əhalinin yüksəkkeyfiyyətli, ucuz və sağlam quşçuluq məhsullarına 
olan tələbatının tamamilə yerli istehsal hesabına ödənilməsinə, ixrac potensialının yaranması və quşçuluq 
sənayesinin idxaldan asılılığının aradan qaldırılmasına təkan verəcəkdir.