Ümumtəhsil məktəbində statistik anlayışların və aparatın daxil edilməsindən məqsəd rəqəmlər barədə şagirdlərin intuitiv təsəvvürlərini qaydaya salmaqdan, struktur kimi formalaşdırmaqdan və şagirdlərin cəbri-statistik üsullardan istifadə etmə qabiliyyətini və intuisiyasını inkişaf etdirməkdən ibarətdir.
İbtidai. Bu pillədə istiqamətin öyrənilməsindən məqsəd şagirdləri təsviri statistikanın elementləri – xassəli və diskretiv miqdar saylarının toplanması, qaydaya salınması, təsəvvür olunması və interpretasiya vasitələri ilə tanış etməkdən ibarətdir.
Baza. Bu pillədə istiqamətin tədrisindən məqsəd şagirdləri təsviri statistikanın əsas anlayışları və metodlarına yiyələndirməkdən ibarətdir ki, onların vasitəsi ilə rəqəmlərin özünəməxsusluqlarını aydınlaşdırsınlar və rəqəmlərə istinad etməklə ehtimal söyləməyi bacarsınlar. Bundan başqa, tədrisdə məqsəd, şagirdləri ehtimal nəzəriyyəsinin başlanğıcları ilə tanış etməkdən və deterministik və təsadüfilik əhatə edən şəraitlər arasında fərqi dərk etdirməkdən ibarətdir.
Orta. Bu pillədə istiqamətin tədrisində məqsəd ehtimal nəzəriyyəsi və statistika barədə şagirdlərdə ardıcıl təsəvvür yaratmaqdan ibarətdir ki, ölçüyə gəlməz şəraitdə nəticələr çıxarsın və qiymətləndirsinlər; bu və ya digər başlanğıcda təsadüfiliyin rolunu bilsin və qərar qəbul etmək üçün onun miqdar qiymətləndirilməsini həyata keçirsinlər.
