Yaşar seyiDLİ, naiLƏ ƏLİyeva, xumar əHMƏDBƏYLİ Ümumtəhsil məktəblərinin 9-cu sinfi üçün

İkiqat  mayalanma.  1898-ci  ildə  rus  alimi 
S.Q.Navaşin  örtülütoxumlularda  (çiçəkli  bitki-
lərdə) xüsusi tip mayalanma kəşf etdi ki, bu da 
ikiqat mayalanma adlandırıldı. 
 Tozlanma  zamanı  erkəkcik  tozcuğu  dişici-
yin  ağızcığına  düşərək  cücərməyə  başlayır. 
• 
qametofit
• 
sporofit 
• 
ikiqat mayalanma 
A ç a r   s ö z lə r  

---

 
 
3 
87 
 
•   III  fəsil  •  
Orqanizm tam bir sistemdir  
• 
Tozcuq  borusunda  generativ  nüvə  bölünərək  iki  erkək  qameti  –  spermiləri  əmələ 
gətirir. Spermilərin qamçısı olmadığı üçün aktiv hərəkət edə bilmir. Tozcuq borusu 
uzanaraq yumurtacığın tozcuq girəcəyi olan hissədə rüşeym kisəsinə birləşir. Bun-
dan sonra borunun ucu dağılır və hər iki spermi rüşeym kisəsinə daxil olur. Onlardan 
biri yumurta-hüceyrə ilə birləşərək ziqot əmələ gətirir. Digər spermi isə mərkəzi hü-
ceyrə ilə birləşir və triploid (3n) endospermi əmələ gətirir. Belə mayalanma prosesi 
ikiqat mayalanma adlanır. İkiqat mayalanma çiçəkli bitkilər üçün səciyyəvidir. 
 
 
 
İkiqat mayalanma nəticəsində çiçəkli bitkilərin rüşeymləri ehtiyat qida maddələri 
ilə  təmin  olunur  ki,  cücərən  zaman bu  maddələri  sərf  edir. Meyvəyanlığı  toxumu 
qoruyur və onların daha yaxşı yayılmasını təmin edir.