Yazılı işgüzar kommunikasiya zamanı nizamnamə, vəkalətnamə, etibarnamə, əqd, ezamiyyə vərəqi, təlimat və s sənədlərin tərtibi

3. Səhmdar cəmiyyətin nizamnaməsi və s.
Gürcüstan Azərbaycanlı Ziyalılar Birliyinin

NİZAMNAMƏSİ

1. 
   Gürcüstan Azərbaycanlı Ziyalılar Birliyi özünün nizamnamə və proqramına əsaslanan Gürcüstan Konstitusiyasının 26-cı maddəsinin 2-ci bəndini rəhbər tutaraq müstəqil fəaliyyət göstərən könüllü, kütləvi, ictimai-siyasi təşkilatdır.
   
2. 
   Birlik Gürcüstan vətəndaşlarını mənşəyindən, yaşayış yerindən, siyasi mənsubiyyət və baxışlarından, sosial və əmlak vəziyyətindən asılı olmayaraq könüllülük əsasında birləşdirir.
   
3. 
   Birliyin təsisçiləri timsalında onun vəzifələrini həyata keçirmək istəyən və bacaran ayrı-ayrı şəxslər, həm də müxtəlif ictimai qurumlar çıxış edə bilərlər.
   
4. 
   Təsisçi cəmiyyətlərin nümayəndələri Birliyin rəhbər orqanlarına seçilə bilərlər.
   
5. 
   Birliyin üzvü olmayan Gürcüstan vətəndaşları, əmək kollektivləri, tədris müəssisələri, səhmdar cəmiyyətlər, ruhani idarələri, ictimai təşkilatlar və həmçinin xarici ölkə vətəndaşları və təşkilatları könüllülük əsasında birliyin işində iştirak edə bilərlər.
   

MƏLUMAT

«Məlumat» ərəb mənşəli, çoxmənalı “məlum” sözündəndir. “Məlum” sözünün aşağıdakı mənaları vardır: 1) muzd, haqq; 2) qonorar; 3) aydın, aşkar, bilinən. “Məlumat” sözü aydın, aşkar, bilinən mənasındadır. Rəsmi kargüzarlıqda məlumat iki xarakterdə olur: a) bildiriş; b) raport xarakterində.