Barcha tirik organizmlar hayotini saqlab turish uchun nafas olishi kerak. Nafas olganda tashqi muhitdagi havo o’pka hujayralariga, u yerdan qonga o’tib, qon orqali barcha hujayralarga yetkazib beriladi. Kislorod yordamida oziq moddalar oksidlanadi, natijada yuqori molekulali organik moddalardan ma’lum miqdorda energiya ajralib chiqadi. Organizm hujayralariga kislorod borib yetmasa, ular nobud bo’ladi. Moddalar almashinuvi natijasida hosil bo’lgan karbonat angidrid va suv bug’lari esa o’pka orqali tashqariga chiqariladi.
