“Zamonaviy oilada, farzand tarbiyasida milliy va umuminsoniy qadriyatlarni shakllantirish masalalari” mavzusidagi respublika ilmiy-amaliy anjumani materiallari to‘plami 150 Xulosa shuki, oila deb atalmish qo‘rg‘onda avlodlar kamol topadi. Bu qo‘rg‘onning mustahkam va
barqaror bo‘lishiga erishish mamlakat va dunyo miqyosida muhim ahamiyatga egadir. Sog‘lom turmush
tarziga ega bo‘lgan mustahkam oilalar jamiyatimizning yorqin kelajagi uchun xizmat qiladi. Har jihatdan
tarbiyali va ibratli ota onalar oila barqarorligini ta’minlaydilar. Bu yo‘nalishda ko‘plab vazifalarni hal etish
taqozo etiladi. Aynan oila mas’uliyatini oshirishda quyidagi jihatlarga e’tibor berish lozim:
– oilada ota-onalarning bilim saviyasini oshirish, ularning bolalarga ma’naviy- psixologik ta’sir ko‘rsata
olish tajribasini takomillashtirish;
– oilada milliy qadriyatlar asosida o‘zbekona axloq qoidalariga ko‘ra, sog‘lom, ijtimoiy-ruhiy muhitni
yaratish, oilani muqaddas deb bilish va uning mustahkamligi uchun kurashish, “Mustahkam oila mahalla
tayanchi”, “Mustahkam oila jamiyat taraqqiyoti garovi” mavzusida seminar treninglar o‘tkazish, “Oila
jamiyatning muhim bo‘g‘ini”, “Ma’naviyat oiladan boshlanadi”, “Oilaning yoshlar tarbiyasidagi ahamiyati”,
“Vatan ravnaqi oiladan boshlanadi” kabi mavzularda videokonferensiyalar, ijodiy kecha, tanlov va tadbirlarni
samarali tashkil etish;
– “Oilam mening qutlug‘ bog‘im”, “Mening oilam” mavzularida she’rlar ko‘rigi hamda rasmlar
fotosuratlar tanlovini o‘tkazish, “Baxtli oila”, “Oila bolalar nigohida” mavzularida ko‘chma fotoko‘rgazmalar
tashkil etish;
– “Mustahkam oilani barpo etishda ota onalar burchi”, “Ota onalarning farzandlar oldidagi burchi”,
“Biz yagona jamoamiz, biz yagona oilamiz” kabi mavzular bo‘yicha teatrlashtirilgan ko‘rinishlarni tashkil
etish orqali bolalarning bo‘sh vaqtlarini foydali o‘tkazish;
– Oilada sog‘lom, barkamol avlod tarbiyasining samarali va zamonaviy yo‘llarini topish, “Men buyuk
va muqaddas Vatan farzandiman” mavzusida ko‘plab maxsus ishlangan filmlarni yoshlar hukmiga havola
etish, “Oila muqaddas” mavzusida suhbatlar uyushtirish;
– “Siz oilangizda farzandlaringiz tarbiyasi uchun mas’ulsiz” mavzusida bukletlar, maqolalar va
broshyuralar tayyorlash va ulardan keng foydalanish va hokazo.
