Zamonaviy oilada, farzand tarbiyasida milliy va umuminsoniy qadriyatlarni shakllantirish masalalari

“Zamonaviy oilada, farzand tarbiyasida milliy va umuminsoniy qadriyatlarni shakllantirish masalalari”
mavzusidagi respublika ilmiy-amaliy anjumani materiallari to‘plami
194
O‘tkazilgan tahlillar shuni ko‘rmatmoqdaki, bugungi kunda oilalarda sodir etilayotgan zo‘ravonliklarning 
asosiy qismi munta
zam ravishda ichkilikbozlikka ruju qo‘ygan shaxslar oilasida sodir etilmoqda. Bunday 
noxush holatlarga chek qo‘yish, to‘g‘rirog‘i, ularning oldini olish uchun, avvalambor, oila mustahkamligi va 
barqarorligiga, uning to‘liq va mukammal bo‘lishiga erishish uchun, eng avvalo, oilada sog‘lom ma’naviy 
muhitni shakllantirish lozim. Oiladagi sog‘lom ma’naviy muhit odamiylik, insonparvarlik munosabatlarini 
shakllantirish bilan bir qatorda, oilada tarbiyalanayotgan voyaga yеtmaganlarning ruhiy xususiyatlariga 
ijobiy ta’sir ko‘rsatish, oila mustahkamligini ta’minlashga xizmat qiladi. 
Oilada nosog‘lom turmush tarzining shakllanishida oiladagi shaxslar o‘rtasida vujudga keladigan ijtimoiy 
munosabatlarning o‘rni katta hisoblanadi. Ushbu munosabatlar shaxsda ijobiy xususiyatlarni shakllantirishi 
mumkin. 
Bizningcha, oiladagi nosog‘lom muhitning shakllanish shart-sharoiti quyidagilar bilan chambarchas 
bog‘liqlikda namoyon bo‘ladi: 
a) oila muhitiga tashqi salbiy omillarning ta’sir etishi; 
b) qarindosh-urug‘lar o‘rtasida mehr-oqibat tuyg‘ularining yo‘qligi;
d) oilada oila a’zolarining spirtli ichimlik, giyohvandlik vositalari yoki tamaki mahsulotlarini iste’mol 
qilishga odatlanganligi; 
e) oila a’zolari o‘rtasida doimiy janjal va kelishmovchiliklarning mavjudligi va h.k. 
Shuningdek, shaxsning salbiy shakllanishini ta’minlovchi axloqqa zid omillarga quyidagilarni kiritish 
mumkin: 
a) biologik, ya’ni nasldan naslga o‘tuvchi xususiyatlar; 
b) oiladagi ma’naviy-ruhiy muhitning zaifligi; 
d) oila a’zolari o‘rtasidagi axloqqa zid bo‘lgan xatti-harakatlar; 
e) muntazam ravishdagi janjal yoki kelishmovlik;
f) oilada ota-onaning farzand tarbiyasiga e’tiborsizligi yoki mas’uliyatsizligi; 
g) oilada milliy qadriyat va an’analarga hurmatsizlik bilan munosabatda bo‘lish va h.k.
Oilada jinoyatlarning sodir etilishini ta’minlovchi nosog‘lom ijtimoiy-ruhiy muhit jamiyat hayotining 
barcha sohalarida mavjud: 
birinchidan, 
ular bir-biri bilan u yoki bu darajada bevosita yoki bilvosita bog‘liqligini ta’minlovchi 
vosita bo‘lib, biri ikkinchisini yoki ikkinchisi birinchisiga o‘z ta’sirini o‘tkazishiga olib keladi; 
ikkinchidan, 
bu omillar, birinchi navbatda, shaxsning ongi va ruhiyatiga salbiy ta’sir ko‘rsatadi hamda 
unda salbiy ma’naviy-ruhiy xususiyatlarning shakllanishiga ta’sir qiladi; 
uchinchidan,
bu omillar jamiyatda shaxsga salbiy ta’sir etuvchi manbalarni shakllantiradi; 
to‘rtinchidan, 
oiladagi salbiy ijtimoiy-ruhiy muhit ta’sirida shaxsda shakllangan dunyoqarash jamiyatda 
vujudga kelgan ijtimoiy-ruhiy muhit bilan aloqada shaxsning u yoki bu yo‘lni tanlashini taqozo etadi. 
Shu bois oilada ma’naviy-ruhiy muhitni sog‘lomlashtirish uchun uni oziqlantiruvchi salbiy omillarni 
aniqlash, ularga to‘siq qo‘yish hamda zararsizlantirish borasida zarur chora-tadbirlarni ishlab chiqish va uni 
amalga oshirish lozim. 
Fikrimizcha, voyaga yеtmaganlarning ma’naviy-ruhiy shakllanishiga salbiy ta’sir ko‘rsatuvchi ijtimoiy-
ruhiy muhitni sog‘lomlashtirish borasida quyidagi chora-tadbirlarni amalga oshirish maqsadga muvofiqdir: 
birinchidan,
oiladagi ijtimoiy-ruhiy muhitni sog‘lomlashtirishga qaratilgan (tarbiyaviy ta’sir choralariga 
ega bo‘lgan) dasturlar ishlab chiqish va uni amalga oshirish; 
ikkinchidan, 
oila-turmush munosabatlari doirasida nizo keltirib chiqaruvchi janjalkash shaxslarning 
turmush tarzini o‘zgartirish maqsadida ular bilan tarbiyaviy ahamiyatga ega bo‘lgan profilaktik suhbatlar 
o‘tkazish; 
uchinchidan, 
bugungi kundagi mavjud muammolarni bartaraf etish borasida oiladagi ijtimoiy-ruhiy 
muhitni sog‘lomlashtirishga qaratilgan chora-tadbirlar rejasini ishlab chiqish va uni ijtimoiy hayotga joriy 
etish; 
to‘rtinchidan,
oilada axloqqa va qonunga zid xatti-harakatlardan tiyib turadigan qadriyatlarni tiklash, 
saqlash va rivojlantirishga qaratilgan tadbirlarni yanada kuchaytirish; 

---