Ózbekistan respublikasí joqarí, bilim hám inovaciya ministirligi berdaq atındaǵı Qaraqalpaq Mámleketlik Universiteti Ekonomika fakulteti

Nátiyjelilik dárejesi boyınsha úsh gruppaǵa: aldınǵı; orta; qalaq. 
Úlken- kishiligine qarap :iri; orta; kishi. 
Múlkshilik formasına qarap: mámleketlik; jámáátlik; jeke usaǵan 
gruppalarǵa bóliw múmkin. 
Quramalı hádiyselerdi úyreniwde kombinacion gruppalaw usılı júdá keń 
qollanıladı. Gruppalaw usılı járdeminde bir-biri menen baylanıslı bolǵan tómendegi 
úsh túrdegi wazıypa sheshiledi: 
- hádiyseler social-ekonomikalıq tiplerge ajıratıladı; 
- social-ekonomikalıq hádiyseler strukturası úyreniledi 
- hádiyseler ortasındaǵı baylanıs anıqlanadı. 
Gruppalaw belgisi degende gruppalaw ushın tiykar etip alınǵan belgi 
túsiniledi. Ulıwma aytqanda gruppalawdıń qaysı belgi tiykarında ámelge asırılıwı 
túsiniledi. Onı tańlawda tómendegi tiykarǵı shártlerge itibar beriliwi lazım: 
- gruppalaw negizine hámme waqıt hádiyseni tolıq хarakterlep beriwshi 
zárúr belgilerdi tiykar etip alıw kerek; 
- gruppalaw belgisin tańlawda onıń anıq waqıt hám orın sharayatın, sol 
dáwirdiń mánisin táriplewshi, házirgi zaman ekonomikasın 
хarakterlewshi máselelerdi júzege shıǵara alıwshı belgiler ekenine itibar 
beriw kerek; 
- quramalı hádiyselerdi úyreniwde gruppalawdı tek bir belgi boyınsha 
emes, bálki bir neshe zárúr belgiler boyınsha ámelge asırıw kerek. 
Ańlatılıwına qaray gruppalaw belgileri atributiv hám muǵdarlıq belgilerge 
bólinedi. Atributiv belgi degende san menen kórsetilmeytuǵın, bir-birinen 
mazmunı boyınsha hám sıpatı jaǵınan ayırılǵan belgiler túsiniledi. Adamnıń kásibi, 
milleti, ónim túri, miynet haqı forması bul belgige mısal bola aladı. 

---

Alternativ belgi atributiv belginiń bir kórinisi bolıp, eki qarama-qarsı, bir 
birin tolıqtırmaytuǵın belgiler bolıp tabıladı. Máselen, maǵlıwmatlı-maǵlıwmatsız, 
tájriybeli-tájriybesiz, awa-yaq hám taǵı basqa.