Modulni tashkil etish va o‘tkazish bo‘yicha tavsiyalar “Sog‘lomlashtirish-jismoniy tarbiya tadbirlarini tashkil etish” kursi ma’ruza va amaliy mashg‘ulotlar shaklida olib boriladi.
Kursni o‘qitish jarayonida ta’limning zamonaviy metodlari, axborot-kommunikatsiya texnologiyalari qo‘llanilishi nazarda tutilgan:
ma’ruza darslarida zamonaviy kompyuter texnologiyalari yordamida prezentatsion va elektron-didaktik texnologiyalardan;
o‘tkaziladigan amaliy mashg‘ulotlarda texnik vositalardan, ekspress-so‘rovlar, test so‘rovlari, aqliy hujum, guruhli fikrlash, kichik guruhlar bilan ishlash, kollokvium o‘tkazish, va boshqa interaktiv ta’lim usullarini qo‘llash nazarda tutiladi.
Modulning o‘quv rejadagi boshqa modullar bilan bog‘liqligi va uzviyligi “Sog‘lomlashtirish-jismoniy tarbiya tadbirlarini tashkil etish” moduli mazmuni o‘quv rejadagi jismoniy tarbiyasi nazariyasi va metodikasi, boshlang‘ich gimnastika mashg‘ulotlarini o‘qitish metodikasi, harakatli o‘yinlarni o‘qitish metodikasi, jismoniy tarbiyada xorijiy tajribalar o‘quv modullari bilan uzviy bog‘langan holda tinglovchilarning kasbiy pedagogik tayyorgarlik darajasini orttirishga xizmat qiladi.
Modulning sport ta’limidagi o‘rni Modulni o‘zlashtirish orqali tinglovchilar maktabgacha ta’lim tashkilotlarida sog‘lomlashtirish-jismoniy tarbiya tadbirlarini tashkil etish, ularni tahlil etish, amalda qo‘llash va baholashga doir kasbiy kompitentlikka ega bo‘ladilar.
