Fanni o‘qitishdan maqsad – talaba-yoshlar ongi va qalbiga milliy va umuminsoniy ma’naviy qadriyatlarni singdirish orqali ularda yuksak ma’naviyat va ma’naviy qashshoqlashuvning inson va jamiyat hayotidagi mohiyatni tushunib etish hamda yuksak ma’naviyatga ega bo‘lish malakalarini shakllantirishdan iborat.
Fanning vazifalari:
- Inson va jamiyat hayotida ma’naviyatning o‘rni va ahamiyati to‘g‘risidagi O‘zbekiston Respublikasi Prezidenti Shavkat Mirziyoev tomonidan ishlab chiqilgan “Milliy tiklanishdan-milliy yuksalish sari” konsepsiyasini talabalar ongiga singdirish;
- mustaqillik yillarida mamlakatimizda milliy-ma’naviy tiklanish borasida amalga oshirilgan islohotlar va erishilgan yutuqlar, xususan, so‘nggi yillarda shlarni yuksak ma’naviyatli insonlar qilib tarbiyalash borasidagi vazifalarning mohiyati-mazmuni, asosiy yo‘nalishlarini talabalarga etkazish asosida ularning bu jarayonlarda faol ishtirok qilishini ta’minlash va ularnin ruhiyatini mustahkamlash;
- Buyuk ajdodlarimizning ma’naviy barkamol inson to‘g‘risidagi fikr-mulohazalarini talabalar ongiga singdirish;
- Milliy-ma’naviy qadriyatlar, ma’naviy qashshoqlashuvning salbiy oqibatlari haqida tegishli bilimlarni talabalarga etkazish va ularda bu jarayondan ogoh bo‘lish ruhiyatini shakllantirish;
- bugungi kunda jahonda keng yoyilayotgan “ommaviy ma’naviyat” va turli ma’naviy qashshoqlikka olib keluvchi oqimlarning maqsad va muddaolarini talabalarga etkazish, ular ongi va dunyoqarashida ma’naviy immunitetni shakllantirishdan iborat.
II.Asosiy nazariy qism (ma`ruza mashg`ulotlari) II.I. Fan tarkibiga quyidagi mavzular kiradi: I-MODUL. MA’NAVIYATSHUNOSLIKKA KIRISH
1fdkj;lsafgosah-MAVZU: “Ma’naviyatshunoslik” fanining predmeti, maqsadi, vazifalari. Ma`naviyatshunoslik fani predmeti , maqsadi va vazifalari. Ma’naviyat, ma’naviy barkamol inson tushunchalari. Madaniyat, ma’rifat, ma’naviy meros, mafkura va ma’naviyatning o‘zaro bog‘liqligi. Mustaqillik yillarida ma’naviyatga berilayotgan e’tibor. O‘zbekiston Respublikasi Prezidenti tomonidan ilgari surilgan “Milliy tiklanishdan – milliy yuksalish sari” g‘oyasining ahamiyati. O‘zbekiston Respublikasi Prezidentining yoshlar ma’naviyatini yuksaltirish va ularning bo‘sh vaqtlarini mazmunli tashkil etish bo‘yicha beshta muhim tashabbusi
Axloq, odob–inson ma’naviyatining o‘zagi. Vatanparvarlik, insonparvarlik va o‘z millatiga sadoqat - shaxs ma’naviyati mezonlari. Iymon, diyonat, adolat, mehr-shafqat, e’tiqod, poklik, halollik va vafodorlik - shaxs ma’naviy fazilatlari. Milliy o‘zlikni anglash, milliy va diniy bag‘rikenglik, huquqiy savodxonlik, qonunga itoatkorlik, davlat tizimiga hurmat va fuqarolik burchiga sadoqat - shaxs ma’naviy barkamolligi mezonlari.
2-MAVZU: Sharq allomalari merosining milliy ma’naviyatimizga ta’siri Markaziy Osiyo allomalarining ma’naviy kamolotga erishish yo‘llari haqida fikrlari. Muso al-Xorazmiy, Ahmad al-Farg‘oniy, Mahmud Chog`miniyning ilmiy kashfiyotlarining xalqimiz ma’naviyatning shakllanishida o‘ziga xos ta’siri. Yusuf Xos Hojib, Kaykovus, Nizomulmulk asarlarida manaviy-axloqiy qarashlarning ahamiyati. Abu Rayhon Beruniy, Abu Ali ibn Sino, Mahmud az-Zamahshariy ilmiy merosining dunyo tamadduniga ta’siri. Muhammad Ismoil al-Buxoriy, imom at-Termiziy diniy-ilmiy merosi, Abu Abdulloh Rudakiy ijodining xalqimiz ma’naviy saviyasining yuksalishida tutgan o‘rni. Qur’oni Karim va Hadisi Shariflarda inson ma’naviyati va ma’rifati masalalari. Diniy iymon va dunyoviy iymonning chambarchas bog‘liqligi.
Amir Temur va Mirzo Ulug‘bek - buyuk davlat arboblari va yuksak ma’naviyat sohiblari. Alisher Navoiy merosida inson odobi va ma’naviyati masalalari (“Mahbub ul-qulub”, “Hayrat-ul abror”, “Saddiy Iskandariy” asarlari asosida) Husayn Voiz Koshifiyning “Axloqi Muhsiniy” asarida ma’naviy-axloqiy barkamollik masalalari. Z.M. Bobur ijodida Vatanga, yorga, insoniyatga muhabbat masalalari. Temuriylar sulolasi davrida yaratilgan milliy ma’naviy merosning o‘zbek xalqining ma’naviy tiklanishida tutgan o‘rni.
