1. Quvnoq startlar musobaqasini tashkil qilish. Milliy va harakatli o’yinlar fanining maqsadi va vazifasi

Quvnoq startlar musobaqasini tashkil qilish va senariysini tuzish.


Reja:
Kirish.
1. Quvnoq startlar musobaqasini tashkil qilish.
2. Milliy va harakatli o’yinlar fanining maqsadi va vazifasi.
3. Sharq allomalarining xalq о‘yiniari haqidagi qarashlari
Xulosa.
Adabiyotlar ro’yxati.

KIRISH
O‘zbekiston Respublikasi Prezidenti Sh.M.Mirziyoyevning tashabbusi hamda davlatimiz rahnamoligida jismoniy tarbiya va sportga katta e’tibor qaratilib kelinmoqda. Jumladan, 2017 yil 3 iyun, Jismoniy tarbiya va ommaviy sportni yanada rivojlantirish chora-tadbirlari to‘g‘risida”gi PQ-3031-son, 2018 yil 5 martdagi “Jismoniy tarbiya va sport sohasida davlat boshqaruvi tizimini tubdan takomillashtirish chora-tadbirlari to‘g‘risida”gi PF-5368-sonli farmon va qarorlarida yurtimiz aholisining sog‘ligini mustahkamlash jismoniy tayyorgarligini oshirish, sog‘lom turmush tarzini shakllantirishga oid masalalarga e’tibor qaratilgan.
Jismoniy tarbiya orqali talabalarni sog‘ligini mustahkamlash, jismoniy tayyorgarlik darajasini oshirish vatan himoyasiga va mehnatga bo‘lgan layoqatini kamol toptirishda milliy va harakatli o’yinlarning o‘rni kattadir. Turli xildagi milliy va harakatli o’yinlar yoshlarni har tomonlama etuk, sog‘lom bo‘lib tarbiya topishida va jismoniy sifatlarini rivojlanishida muhim ahamiyatga egadir.
Jismoniy tarbiya va sportga ixtisoslashgan ta’lim muassasalarida o‘tkaziladigan milliy va harakatli o’yinlarga doir mashg’ulotlarda talabalarni tezkorlik, kuch, chidamlilik sifatlarini rivojlanganlik darajasini oshirish darslardan olayotgan yuklamalarni organizmga bo‘lgan ta’sirini o‘rganish, mashqlarning samaradorligini ta’minlash tahlil jarayoniga yangi pedogogik texnologiyalarni ishlab chiqish vazifalari bugungi kunning dolzarb muammolaridan bo‘lib hisoblanadi. Albatta bugungi kunda yosh avlodni milliy o'yinlarga qiziqtirish, bayram tadbirlarda bu o'yinlarni o'tkazish milliy o'yinlar uzoq o'tmish tarixiy taraqqiyotining mutlaq zanjiri bo'lgan inson sivilizatsiyasining shunday ustunlari va tamal toshlari borki, ularda o'tmish, hozirgi zamon va kelajakning bir-biri bilan uyg'unligi, rivoji va davomiyligi saqlanib keladi, avloddan-avlodlarga meros sifatida o'tadi, hamda qadriyatlar darajasiga yetadi. Qadriyatlarda esa bir butun xalqning, millatning iymon - e'tiqodi, insof - diyonati mujassam etiladi.