Anatomiya

1. 
   Anatomiya - orqanizmin orqanlarının, toxumalarının, hüceyrələrinin quruluşunu və formasını öyrənən elm. Anatomiya sözü yunanca "anatemno" sözündəndir və mənası "yarıram" deməkdir. Fiziologiya (fizis-təbiət, loqos- elm) orqanizmin və onun ayrı-ayrı hissələri- hüceyrə. toxuma, orqan, funksional sistemlər haqqınla elmdir. Bu elm canlı orqanizmləri öyrənir. Fiziologiya orqanizmin hüceyrə, toxuma, orqan və sistemlərinin funksiyasını, onların bir-birilə, eləcə də orqanizmin xarici mühitlə qarşılıqlı əlaqəsini, fizioloji proseslərin səbəbini və tənzimi mexanizmini öyrənir. Orqanizm- xarici mühitin təsirlərinə cavab verən, müstəqil mövcud olan, vahid mürəkkəb sistemdir. Fiziologiya orqanizmin funksiyalarına bioloji aktiv və dərman maddələrinin, yaşın, cinsin, məhsuldarlığın, saxlanma texnologiyasının, istismarının təsirini öyrənir. Fiziologiya biologiya elminin əsas şahələrindən biridir. Fiziologiya xəstəlik zamanı orqanizmin fəaliyyətinin pozulmasının şəraitinin və xarakterinin mexanizmini aydınlaşdırır. Ona görə də fıziologiya tibbin və baytarlığın nəzəri əsasıdır.
   
2.