“Azərbaycan Respublikasının Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu üzrə formalaşmış arxiv sənədlərinin saxlanılması, istifadəsi, elektron uçotu, mühafizəsi və ləğv edilməsinə dair Metodiki Göstərişlər”in təsdiq edilməsi barədə
Azərbaycan Respublikasının Əmək və Əhalinin Sosial Müdafiəsi Nazirliyinin (bundan sonra – Nazirlik) tabeliyində Dövlət Sosial Müdafiə Fondunun (bundan sonra – Fond) fəaliyyətinin təmin edilməsi məqsədilə Azərbaycan Respublikası Prezidentinin 2020-ci il 30 iyun tarixli 1077 nömrəli Fərmanı ilə təsdiq edilmiş “Dövlət Sosial Müdafiə Fondunun Nizamnaməsi”nin 4.11.5-ci yarımbəndini rəhbər tutaraq əmr edirəm:
1. “Azərbaycan Respublikasının Əmək və Əhalinin Sosial Müdafiəsi Nazirliyi tabeliyində Dövlət Sosial Müdafiə Fondunun “Azərbaycan Respublikasının Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu üzrə formalaşmış arxiv sənədlərinin saxlanılması, istifadəsi, elektron uçotu, mühafizəsi və ləğv edilməsinə dair Metodiki Göstərişlər” təsdiq edilsin (əlavə olunur).
2. Fondun Arxiv və Sosial Ödəniş İşlərinin İnventarlaşdırılması üzrə Mərkəzi Filialı (S. Qənbərli) və Fondun regional filiallarının rəhbərlərinə tapşırılsın ki:
2.1. Fond üzrə arxiv işini bu əmrin 1-ci hissəsi ilə təsdiq edilmiş Metodiki Göstərişlərin tələblərinə uyğun təşkil etsinlər;
2.2. Bu əmrin icrasından irəli gələn digər məsələləri həll etsinlər.
3. Fondun Aparatının Sənədlərlə və vətəndaşların müraciətləri ilə iş departamentinə (F.Qasımova) tapşırılsın ki, bu əmrin surətinin Fondun aidiyyəti struktur bölmələrinə çatdırılmasını təmin etsin.
Əsas: Fondun İdarə Heyətinin 2022-ci il 20 oktyabr tarixli iclasının protokolu.
İdarə Heyətinin sədri Himalay Məmişov
Azərbaycan Respublikasının Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu üzrə formalaşmış arxiv sənədlərinin saxlanılması, istifadəsi, elektron uçotu, mühafizəsi və ləğv edilməsinə dair Metodiki Göstərişlər
Dostları ilə paylaş: |
