Daxili ziddiyyətlər. Milli pedaqogikanın yaradıcısı daxili ziddiyyətləri aşağıdakı şəkildə təsnif edir:
1) Tərbiyə olunan şəxs onun qarşısında qoyulan ictimai əhəmiyyət kəsb edən vəzifələrlə bu vəzifələri həll etməyə göstərdiyi şəxsi marağı arasında uyğunsuzluqlar. Tutaq ki, X sinif şagirdinə məktəb özfəaliyyət dərnəklərindən birinin təşkili ilə bağlı ictimai vəzifə tapşırırlar. Həmin şagird isə “informatika” dərnəyinə daha çox maraq göstərir. Belə halda şagirdin bədii özfəaliyyət dərnəklərinin təşkilində passivlik göstərəcək, həvəssiz iş görəcək, gün rejimi üzrə işləməkdən imtina edəcək. Beləliklə, o, estetik tərbiyə ilə bağlı işi yarıtmayacaq. Bunun üçün danlanacaq, məzəmmət olunacaq və ən passiv, ən yarıtmaz şagird kimi gözdən düşəcək. Belə hallarda göstərilən uyğunsuzluğun aradan qaldırılmasına məqsədyönlü şəkildə yanaşılmasa tərbiyə işinin səviyyəsi aşağı düşəcək. 214
